ਪਠਾਨਕੋਟ, 3 ਅਕਤੂਬਰ, ਦੇਸ਼ ਕਲਿੱਕ ਬਿਓਰੋ :
ਪੰਜਾਬ ਵਿੱਚ ਪੂਜਾ ਦੀ ਸਮੱਗਰੀ ਨਦੀ ਵਿੱਚ ਤਾਰਨ ਗਏ ਪਿਓ-ਪੁੱਤ ਡੁੱਬ ਗਏ। ਪਠਾਨਕੋਟ ਵਿੱਚ ਪਿਤਾ ਤੇ ਪੁੱਤ ਪੂਜਾ ਸਮੱਗਰੀ ਵਹਾਉਣ ਗਏ ਸਨ। ਇਸ ਦੌਰਾਨ ਪੈਰ ਤਿਲਕ ਗਿਆ ਜੋ ਨਦੀ ਵਿੱਚ ਡੁੱਬ ਗਏ। ਜਾਣਕਾਰੀ ਅਨੁਸਾਰ ਬਸੰਤ ਕਾਲੋਨੀ ਦੇ ਰਹਿਣ ਵਾਲੇ ਵਿਨੈ ਮਹਾਜਨ ਤੇ ਉਸਦਾ 12 ਸਾਲਾ ਪੁੱਤ ਔਜਸ ਮਹਾਜਨ ਨਾਲ ਪਠਾਨਕੋਟ ਦੇ ਚੱਕੀ ਦਰੀਆ ਨਦੀ ਵਿੱਚ ਪੂਜਾ ਸਮੱਗਰੀ ਬਹਾਉਣ ਗਏ ਸਨ। ਪਰਿਵਾਰ ਨੇ ਜਦੋਂ ਸ਼ਾਮ ਤੱਕ ਦੇਖਿਆ ਕਿ ਉਹ ਵਾਪਸ ਨਹੀਂ ਆਏ ਤਾਂ ਮੁਹੱਲੇ ਦੇ ਲੋਕਾਂ ਨਾਲ ਚੱਕੀ ਪੁਲ ਪਹੁੰਚੇ। ਜਿਸ ਤੋਂ ਬਾਅਦ ਪੁਲਿਸ ਅਤੇ ਐਨਡੀਆਰਐਫ ਦੀਆਂ ਟੀਮਾਂ ਨੂੰ ਜਾਣਕਾਰੀ ਦਿੱਤੀ ਗਈ।
ਵਿਨੈ ਮਹਾਜਨ ਦੀ ਲਾਸ਼ ਬਰਾਮਦ ਕਰ ਲਈ ਹੈ। ਨਦੀ ਵਿੱਚ ਡੁੱਬੇ ਪੁੱਤਰ ਦਾ ਅਜੇ ਪਤਾ ਨਹੀਂ ਲੱਗਿਆ। ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਕੇ ਪੋਸਟਮਾਰਟਮ ਲਈ ਹਸਪਤਾਲ ਭੇਜ ਦਿੱਤਾ ਅਤੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ।
