ਕੋਲਕਾਤਾ, 11 ਅਕਤੂਬਰ, ਦੇਸ਼ ਕਲਿਕ ਬਿਊਰੋ :
ਕੋਲਕਾਤਾ ਦੇ ਆਰਜੀ ਕਰ ਮੈਡੀਕਲ ਕਾਲਜ ਵਿੱਚ ਸਿਖਿਆਰਥੀ ਡਾਕਟਰ ਨਾਲ ਬਲਾਤਕਾਰ-ਕਤਲ ਦੇ ਵਿਰੋਧ ਵਿੱਚ 7 ਸਿਖਿਆਰਥੀ ਡਾਕਟਰ ਭੁੱਖ ਹੜਤਾਲ ਉੱਤੇ ਹਨ। ਇਨ੍ਹਾਂ ਵਿਚੋਂ ਇਕ ਜੂਨੀਅਰ ਡਾਕਟਰ ਅਨਿਕੇਤ ਮਹਤੋ ਦੀ ਵੀਰਵਾਰ ਦੇਰ ਰਾਤ ਸਿਹਤ ਵਿਗੜ ਗਈ।
ਸੀਨੀਅਰ ਡਾਕਟਰ ਸੁਬਰਨਾ ਗੋਸਵਾਮੀ ਨੇ ਦੱਸਿਆ ਕਿ ਅਨਿਕੇਤ ਦੀ ਹਾਲਤ ਲਗਾਤਾਰ ਵਿਗੜ ਰਹੀ ਸੀ। ਵੀਰਵਾਰ ਨੂੰ ਉਸਦੀ ਨਬਜ਼ ਦੀ ਦਰ ਕਾਫੀ ਘੱਟ ਗਈ। ਉਸਦੇ ਹੋਰ ਸਿਹਤ ਮਾਪਦੰਡਾਂ ਦੀ ਰੀਡਿੰਗ ਵੀ ਬਹੁਤ ਘੱਟ ਦਰਜ ਕੀਤੀ ਗਈ ਸੀ। ਉਸ ਨੂੰ ਆਰਜੀ ਕਾਰ ਹਸਪਤਾਲ ਦੇ ਇੰਟੈਂਸਿਵ ਕੇਅਰ ਯੂਨਿਟ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਅਨਿਕੇਤ ਜੂਨੀਅਰ ਡਾਕਟਰਾਂ ਨੂੰ ਇਨਸਾਫ਼ ਦਿਵਾਉਣ ਲਈ ਪਿਛਲੇ 2 ਮਹੀਨਿਆਂ ਤੋਂ ਸੰਘਰਸ਼ ਕਰ ਰਹੇ ਹਨ।
