ਚੰਡੀਗੜ੍ਹ, 15 ਦਸੰਬਰ, ਦੇਸ਼ ਕਲਿਕ ਬਿਊਰੋ :
ਗਾਇਕ Diljit Dosanjh ਦਾ ਲਾਈਵ ਸ਼ੋਅ ਸ਼ਨੀਵਾਰ (14 ਦਸੰਬਰ) ਰਾਤ ਨੂੰ ਚੰਡੀਗੜ੍ਹ ਦੇ ਸੈਕਟਰ-34 ਵਿੱਚ ਹੋਇਆ। ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੇ ਹੁਕਮਾਂ ਅਨੁਸਾਰ ਰਾਤ 10 ਵਜੇ ਤੋਂ ਪਹਿਲਾਂ ਸ਼ੋਅ ਸਮਾਪਤ ਹੋ ਗਿਆ। ਦਿਲਜੀਤ ਨੇ ਆਉਂਦਿਆਂ ਹੀ ਪੰਜ ਤਾਰਾ ਗੀਤ ਨਾਲ ਸਮਾਗਮ ਦੀ ਸ਼ੁਰੂਆਤ ਕੀਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਵਿਸ਼ਵ ਸ਼ਤਰੰਜ ਚੈਂਪੀਅਨ ਡੀ ਗੁਕੇਸ਼ ਨੂੰ ਵਧਾਈ ਦਿੱਤੀ।
ਸ਼ੋਅ ‘ਚ ਦਿਲਜੀਤ ਨੇ ਕਿਹਾ ਕਿ ਡੀ ਗੁਕੇਸ਼ ਦੇ ਰਾਹ ‘ਚ ਕਈ ਮੁਸ਼ਕਲਾਂ ਆਈਆਂ। ਉਨ੍ਹਾਂ ਨੂੰ ਵੀ ਹਰ ਰੋਜ਼ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।ਉਨ੍ਹਾਂ ਕਿਹਾ ਕਿ ਮੈਨੂੰ ਪੁਸ਼ਪਾ ਫਿਲਮ ‘ਝੂਕੇਗਾ ਨਹੀਂ ਸਾਲਾ’ ਦਾ ਡਾਇਲਾਗ ਯਾਦ ਆ ਰਿਹਾ ਹੈ। ਜੇ ਸਾਲਾ ਨਹੀਂ ਝੁਕਿਆ ਤਾਂ ਜੀਜਾ ਕਿਵੇਂ ਝੁਕੇਗਾ? ਸਾਨੂੰ ਪਰੇਸ਼ਾਨ ਕਰਨ ਦੀ ਬਜਾਏ, ਸਥਾਨ ਅਤੇ ਪ੍ਰਬੰਧਨ ਨੂੰ ਠੀਕ ਕੀਤਾ ਜਾਵੇ। ਜੇਕਰ ਵੈਨਿਊ ਅਤੇ ਮੈਨੇਜਮੈਂਟ ਸਟਾਫ਼ ਅਜਿਹਾ ਹੀ ਰਿਹਾ ਤਾਂ ਭਾਰਤ ‘ਚ ਸ਼ੋਅ ਨਹੀਂ ਕਰਾਂਗੇ।ਦਿਲਜੀਤ ਨੇ ਕਿਹਾ ਕਿ ਅਗਲੀ ਵਾਰ ਮੈਂ ਚਾਹਾਂਗਾ ਕਿ ਲੋਕ ਮੇਰੇ ਆਲੇ-ਦੁਆਲੇ ਹੋਣ ਅਤੇ ਮੈਂ ਵਿਚਕਾਰ ਪ੍ਰਦਰਸ਼ਨ ਕਰਾਂ।
ਦਿਲਜੀਤ ਸਫੇਦ ਕੁੜਤਾ ਪਜਾਮਾ ਪਾ ਕੇ ਸ਼ੋਅ ‘ਚ ਪਹੁੰਚੇ ਸਨ। ਜਿਕਰਯੋਗ ਹੈ ਕਿ ਇਸ ਸ਼ੋਅ ਤੋਂ ਪਹਿਲਾਂ ਕਾਫੀ ਵਿਵਾਦ ਹੋਇਆ ਸੀ। ਇਹ ਮਾਮਲਾ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਤੱਕ ਵੀ ਪਹੁੰਚ ਗਿਆ ਸੀ।ਆਖ਼ਰ ਸ਼ੋਅ ਲਈ ਇਜਾਜ਼ਤ ਮਿਲ ਗਈ ਸੀ।
