ਚੰਡੀਗੜ੍ਹ, 20 ਦਸੰਬਰ, ਦੇਸ਼ ਕਲਿਕ ਬਿਊਰੋ :
ਦੇਸ਼ ਅਤੇ ਦੁਨੀਆ ਵਿਚ 20 ਦਸੰਬਰ ਦਾ ਇਤਿਹਾਸ ਕਈ ਮਹੱਤਵਪੂਰਨ ਘਟਨਾਵਾਂ ਦਾ ਗਵਾਹ ਹੈ ਅਤੇ ਕਈ ਮਹੱਤਵਪੂਰਨ ਘਟਨਾਵਾਂ ਇਤਿਹਾਸ ਦੇ ਪੰਨਿਆਂ ਵਿਚ ਸਦਾ ਲਈ ਦਰਜ ਹੋ ਗਈਆਂ ਹਨ।ਅੱਜ ਚਰਚਾ ਕਰਾਂਗੇ 20 ਦਸੰਬਰ ਦੇ ਇਤਿਹਾਸ ਬਾਰੇ :-
* ਅੱਜ ਦੇ ਦਿਨ 2008 ਵਿਚ ਸਟੇਟ ਬੈਂਕ ਆਫ ਇੰਡੀਆ ਨੇ ਜਮ੍ਹਾ ਕਰਜ਼ਿਆਂ ‘ਤੇ ਵਿਆਜ ਦਰਾਂ ਵਿਚ ਕਟੌਤੀ ਕੀਤੀ ਸੀ।
* 2002 ਵਿਚ 20 ਦਸੰਬਰ ਨੂੰ ਦੱਖਣੀ ਕੋਰੀਆ ਨੇ ਉੱਤਰੀ ਕੋਰੀਆ ਦੇ ਮੁੱਦੇ ‘ਤੇ ਅਮਰੀਕਾ ਤੋਂ ਸਹਿਯੋਗ ਮੰਗਿਆ ਸੀ।
* ਅੱਜ ਦੇ ਦਿਨ 1999 ਵਿੱਚ ਹਬਲ ਟੈਲੀਸਕੋਪ ਦੀ ਮੁਰੰਮਤ ਲਈ ਪੁਲਾੜ ਯਾਨ ‘ਡਿਸਕਵਰੀ’ ਭੇਜਿਆ ਗਿਆ ਸੀ।
* ਅੱਜ ਦੇ ਦਿਨ 1993 ਵਿੱਚ ਬ੍ਰਸੇਲਜ਼ ਵਿੱਚ ਭਾਰਤ ਅਤੇ ਯੂਰਪੀਅਨ ਯੂਨੀਅਨ ਵਿਚਕਾਰ ਸਹਿਯੋਗ ਸਮਝੌਤਾ ਹੋਇਆ ਸੀ।
* 1990 ‘ਚ 20 ਦਸੰਬਰ ਨੂੰ ਭਾਰਤ ਅਤੇ ਪਾਕਿਸਤਾਨ ਨੇ ਇਕ-ਦੂਜੇ ‘ਤੇ ਪ੍ਰਮਾਣੂ ਹਮਲੇ ਨਾ ਕਰਨ ‘ਤੇ ਸਹਿਮਤੀ ਜਤਾਈ ਸੀ।
* 20 ਦਸੰਬਰ 1988 ਨੂੰ ਭਾਰਤੀ ਸੰਸਦ ਨੇ 62ਵੀਂ ਸੰਵਿਧਾਨਕ ਸੋਧ ਰਾਹੀਂ ਵੋਟਿੰਗ ਦੀ ਉਮਰ 21 ਤੋਂ ਘਟਾ ਕੇ 18 ਸਾਲ ਕਰਨ ਦੇ ਬਿੱਲ ਨੂੰ ਮਨਜ਼ੂਰੀ ਦਿੱਤੀ ਸੀ।
* 1985 ਵਿਚ 20 ਦਸੰਬਰ ਨੂੰ, ਤਿਰੂਪਤੀ ਬਾਲਾਜੀ ਮੰਦਰ ਵਿਚ ਭਗਵਾਨ ਵੈਂਕਟੇਸ਼ਵਰ ਨੂੰ 5.2 ਕਰੋੜ ਰੁਪਏ ਦੀ ਕੀਮਤ ਦਾ ਹੀਰਾ ਜੜ੍ਹਿਆ ਤਾਜ ਭੇਟ ਕੀਤਾ ਗਿਆ ਸੀ।
* ਅੱਜ ਦੇ ਦਿਨ 1963 ਵਿੱਚ, ਜਰਮਨੀ ਵਿੱਚ ਬਰਲਿਨ ਦੀਵਾਰ ਪਹਿਲੀ ਵਾਰ ਪੱਛਮੀ ਬਰਲਿਨ ਵਾਸੀਆਂ ਲਈ ਖੋਲ੍ਹੀ ਗਈ ਸੀ।
* 1956 ਵਿਚ 20 ਦਸੰਬਰ ਨੂੰ ਅਮਰੀਕਾ ਵਿਚ ਸੁਪਰੀਮ ਕੋਰਟ ਨੇ ਕਿਹਾ ਕਿ ਬੱਸਾਂ ਵਿਚ ਰੰਗਭੇਦ ‘ਤੇ ਪਾਬੰਦੀ ਲਗਾਈ ਜਾਵੇ।
* ਅੱਜ ਦੇ ਦਿਨ 1955 ਵਿੱਚ ਇੰਡੀਅਨ ਗੋਲਫ ਐਸੋਸੀਏਸ਼ਨ ਦਾ ਗਠਨ ਕੀਤਾ ਗਿਆ ਸੀ।
* 20 ਦਸੰਬਰ 1951 ਨੂੰ ਓਮਾਨ ਅਤੇ ਬਰਤਾਨੀਆ ਦਰਮਿਆਨ ਹੋਏ ਸਮਝੌਤੇ ਤੋਂ ਬਾਅਦ ਓਮਾਨ ਆਜ਼ਾਦ ਹੋਇਆ ਸੀ।
* ਅੱਜ ਦੇ ਦਿਨ 1946 ਵਿੱਚ ਮਹਾਤਮਾ ਗਾਂਧੀ ਇੱਕ ਮਹੀਨਾ ਸ਼੍ਰੀਰਾਮਪੁਰ ਵਿੱਚ ਠਹਿਰੇ ਸਨ।
* 1924 ਵਿਚ 20 ਦਸੰਬਰ ਨੂੰ ਅਡੋਲਫ ਹਿਟਲਰ ਜਰਮਨੀ ਦੀ ਜੇਲ੍ਹ ਤੋਂ ਰਿਹਾਅ ਹੋਇਆ ਸੀ।
* ਅੱਜ ਦੇ ਦਿਨ 1919 ਵਿੱਚ ਅਮਰੀਕੀ ਸੰਸਦ ਦੇ ਹਾਊਸ ਆਫ ਰਿਪ੍ਰਜ਼ੈਂਟੇਟਿਵਜ਼ ਨੇ ਇਮੀਗ੍ਰੇਸ਼ਨ ‘ਤੇ ਪਾਬੰਦੀ ਲਗਾ ਦਿੱਤੀ ਸੀ।
* 20 ਦਸੰਬਰ 1876 ਨੂੰ ਮਹਾਨ ਕਵੀ ਬੰਕਿਮ ਚੰਦਰ ਚਟੋਪਾਧਿਆਏ ਨੇ ਰਾਸ਼ਟਰੀ ਗੀਤ ‘ਵੰਦੇ ਮਾਤਰਮ’ ਦੀ ਰਚਨਾ ਕੀਤੀ ਸੀ।
* ਅੱਜ ਦੇ ਦਿਨ 1780 ਵਿੱਚ ਬਰਤਾਨੀਆ ਨੇ ਹਾਲੈਂਡ ਖ਼ਿਲਾਫ਼ ਜੰਗ ਦਾ ਐਲਾਨ ਕੀਤਾ ਸੀ।
