ਚੰਡੀਗੜ੍ਹ, 28 ਦਸੰਬਰ, ਦੇਸ਼ ਕਲਿਕ ਬਿਊਰੋ :
ਦੇਸ਼ ਅਤੇ ਦੁਨੀਆ ਵਿਚ 28 ਦਸੰਬਰ ਦਾ ਇਤਿਹਾਸ ਕਈ ਮਹੱਤਵਪੂਰਨ ਘਟਨਾਵਾਂ ਦਾ ਗਵਾਹ ਹੈ ਅਤੇ ਕਈ ਮਹੱਤਵਪੂਰਨ ਘਟਨਾਵਾਂ ਇਤਿਹਾਸ ਦੇ ਪੰਨਿਆਂ ਵਿਚ ਸਦਾ ਲਈ ਦਰਜ ਹੋ ਗਈਆਂ ਹਨ। ਅੱਜ ਚਾਨਣ ਪਾਵਾਂਗੇ 28 ਦਸੰਬਰ ਦੇ ਇਤਿਹਾਸ ਉੱਤੇ :-
* 28 ਦਸੰਬਰ 2013 ਨੂੰ ਆਮ ਆਦਮੀ ਪਾਰਟੀ ਨੇ ਕਾਂਗਰਸ ਦੇ ਸਮਰਥਨ ਨਾਲ ਦਿੱਲੀ ‘ਚ ਸਰਕਾਰ ਬਣਾਈ ਸੀ।
* 28 ਦਸੰਬਰ 2007 ਨੂੰ ਰੂਸ ਨੇ ਈਰਾਨ ਦੇ ਬੁਸ਼ੇਹਿਰ ਪਾਵਰ ਪਲਾਂਟ ਲਈ ਪਰਮਾਣੂ ਬਾਲਣ ਦੀ ਦੂਜੀ ਖੇਪ ਭੇਜੀ ਸੀ।
* ਅੱਜ ਦੇ ਦਿਨ 2003 ਵਿੱਚ ਅਮਰੀਕਾ ‘ਚ ਕੁਝ ਬ੍ਰਿਟਿਸ਼ ਜਹਾਜ਼ਾਂ ਉੱਤੇ ਸਕਾਈ ਮਾਰਸ਼ਲ ਯਾਨੀ ਸੁਰੱਖਿਆ ਗਾਰਡਾਂ ਨੂੰ ਤਾਇਨਾਤ ਕਰਨ ਦਾ ਫੈਸਲਾ ਲਿਆ ਗਿਆ ਸੀ।
* 28 ਦਸੰਬਰ 2000 ਨੂੰ ਭਾਰਤੀ ਡਾਕ ਵਿਭਾਗ ਦੁਆਰਾ ਬਹਾਦਰੀ ਪੁਰਸਕਾਰ ਜੇਤੂਆਂ ਦੇ ਸਨਮਾਨ ਵਿੱਚ ਪੰਜ ਸਟੈਂਪਾਂ ਦੇ ਇੱਕ ਸੈੱਟ ਵਿੱਚ 3 ਰੁਪਏ ਵਾਲੀ ਡਾਕ ਟਿਕਟ ਜਾਰੀ ਕੀਤੀ ਗਈ ਸੀ।
* 28 ਦਸੰਬਰ 1984 ਨੂੰ ਕਾਂਗਰਸ ਨੇ ਰਾਜੀਵ ਗਾਂਧੀ ਦੀ ਅਗਵਾਈ ਵਿੱਚ ਲੋਕ ਸਭਾ ਚੋਣਾਂ ਜਿੱਤੀਆਂ ਸਨ।
* 28 ਦਸੰਬਰ 1983 ਨੂੰ ਭਾਰਤ ਦੇ ਮਹਾਨ ਬੱਲੇਬਾਜ਼ ਸੁਨੀਲ ਗਾਵਸਕਰ ਨੇ ਵੈਸਟਇੰਡੀਜ਼ ਖਿਲਾਫ ਮਦਰਾਸ ਟੈਸਟ ‘ਚ ਆਪਣਾ 30ਵਾਂ ਸੈਂਕੜਾ ਲਗਾ ਕੇ ਮਹਾਨ ਬੱਲੇਬਾਜ਼ ਸਰ ਡੌਨ ਬ੍ਰੈਡਮੈਨ ਦਾ ਰਿਕਾਰਡ ਤੋੜ ਦਿੱਤਾ ਸੀ।
* ਅੱਜ ਦੇ ਦਿਨ 1976 ਵਿੱਚ ਅਮਰੀਕਾ ਨੇ ਨੇਵਾਡਾ ਵਿੱਚ ਪ੍ਰਮਾਣੂ ਪ੍ਰੀਖਣ ਕੀਤਾ ਸੀ।
* 1966 ਵਿਚ 28 ਦਸੰਬਰ ਨੂੰ ਚੀਨ ਨੇ ਲੋਪ ਨਾਰ ਵਿਚ ਪ੍ਰਮਾਣੂ ਪ੍ਰੀਖਣ ਕੀਤਾ ਸੀ।
* ਅੱਜ ਦੇ ਦਿਨ 1957 ਵਿੱਚ ਸੋਵੀਅਤ ਸੰਘ ਨੇ ਪ੍ਰਮਾਣੂ ਪ੍ਰੀਖਣ ਕੀਤਾ ਸੀ।
* 28 ਦਸੰਬਰ 1950 ਨੂੰ ਦ ਪੀਕ ਡਿਸਟ੍ਰਿਕਟ ਬ੍ਰਿਟੇਨ ਦਾ ਪਹਿਲਾ ਰਾਸ਼ਟਰੀ ਪਾਰਕ ਬਣਿਆ ਸੀ।
* ਅੱਜ ਦੇ ਦਿਨ 1928 ਵਿੱਚ ਕੋਲਕਾਤਾ ਵਿੱਚ ਪਹਿਲੀ ਅਵਾਜ਼ ਵਾਲੀ ਫਿਲਮ ਮੈਲੋਡੀ ਆਫ ਲਵ ਦੀ ਸਕ੍ਰੀਨਿੰਗ ਕੀਤੀ ਗਈ ਸੀ।
* 28 ਦਸੰਬਰ 1926 ਨੂੰ ਇੰਪੀਰੀਅਲ ਏਅਰਵੇਜ਼ ਨੇ ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਯਾਤਰੀ ਅਤੇ ਡਾਕ ਸੇਵਾ ਸ਼ੁਰੂ ਕੀਤੀ ਸੀ।
* ਅੱਜ ਦੇ ਦਿਨ 1885 ਵਿੱਚ ਇੰਡੀਅਨ ਨੈਸ਼ਨਲ ਕਾਂਗਰਸ ਪਾਰਟੀ ਦੀ ਸਥਾਪਨਾ ਹੋਈ ਸੀ।
* 1836 ਵਿਚ 28 ਦਸੰਬਰ ਨੂੰ ਸਪੇਨ ਨੇ ਮੈਕਸੀਕੋ ਦੀ ਆਜ਼ਾਦੀ ਨੂੰ ਮਾਨਤਾ ਦਿੱਤੀ ਸੀ।
Published on: ਦਸੰਬਰ 28, 2024 7:09 ਪੂਃ ਦੁਃ
