2 ਜਨਵਰੀ 1954 ਨੂੰ ਭਾਰਤ ਰਤਨ ਪੁਰਸਕਾਰ ਸ਼ੁਰੂ ਹੋਇਆ ਸੀ
ਚੰਡੀਗੜ੍ਹ, 2 ਦਸੰਬਰ, ਦੇਸ਼ ਕਲਿਕ ਬਿਊਰੋ :
ਦੇਸ਼ ਅਤੇ ਦੁਨੀਆ ਵਿਚ 2 ਜਨਵਰੀ ਦਾ ਇਤਿਹਾਸ ਕਈ ਮਹੱਤਵਪੂਰਨ ਘਟਨਾਵਾਂ ਦਾ ਗਵਾਹ ਰਿਹਾ ਹੈ ਅਤੇ ਕਈ ਮਹੱਤਵਪੂਰਨ ਘਟਨਾਵਾਂ ਇਤਿਹਾਸ ਦੇ ਪੰਨਿਆਂ ਵਿਚ ਸਦਾ ਲਈ ਦਰਜ ਹੋ ਗਈਆਂ ਹਨ।ਅੱਜ ਕੋਸ਼ਿਸ਼ ਕਰਾਂਗੇ 2 ਜਨਵਰੀ ਦੇ ਇਤਿਹਾਸ ਨੂੰ ਜਾਨਣ ਦੀ :
- ਅੱਜ ਦੇ ਦਿਨ 1991 ਵਿੱਚ ਤਿਰੂਵਨੰਤਪੁਰਮ ਏਅਰਪੋਰਟ ਨੂੰ ਅੰਤਰਰਾਸ਼ਟਰੀ ਪੱਧਰ ਦਾ ਬਣਾਇਆ ਗਿਆ ਸੀ।
- ਰਣਸਿੰਘੇ ਪ੍ਰੇਮਦਾਸਾ 2 ਜਨਵਰੀ 1989 ਨੂੰ ਸ਼੍ਰੀਲੰਕਾ ਦੇ ਰਾਸ਼ਟਰਪਤੀ ਬਣੇ ਸਨ।
- 2 ਜਨਵਰੀ 1954 ਨੂੰ ਭਾਰਤ ਰਤਨ ਪੁਰਸਕਾਰ ਸ਼ੁਰੂ ਹੋਇਆ ਸੀ।
- ਪਦਮ ਵਿਭੂਸ਼ਣ ਪੁਰਸਕਾਰ 2 ਜਨਵਰੀ 1954 ਨੂੰ ਸ਼ੁਰੂ ਕੀਤਾ ਗਿਆ ਸੀ।
- ਅੱਜ ਦੇ ਦਿਨ 1942 ਵਿਚ ਦੂਜੇ ਵਿਸ਼ਵ ਯੁੱਧ ਦੌਰਾਨ ਜਾਪਾਨੀ ਫੌਜ ਨੇ ਫਿਲੀਪੀਨਜ਼ ਦੀ ਰਾਜਧਾਨੀ ਮਨੀਲਾ ‘ਤੇ ਕਬਜ਼ਾ ਕਰ ਲਿਆ ਸੀ।
- 2 ਜਨਵਰੀ 1899 ਨੂੰ ਰਾਮਕ੍ਰਿਸ਼ਨ ਦੇ ਹੁਕਮਾਂ ਦੀ ਪਾਲਣਾ ਕਰਦਿਆਂ ਸਾਧੂਆਂ ਨੇ ਕਲਕੱਤਾ (ਹੁਣ ਕੋਲਕਾਤਾ) ਸਥਿਤ ਬੇਲੂਰ ਮੱਠ ਵਿਚ ਰਹਿਣਾ ਸ਼ੁਰੂ ਕੀਤਾ ਸੀ।
- ਅੱਜ ਦੇ ਦਿਨ 1839 ਵਿੱਚ ਫਰਾਂਸੀਸੀ ਫੋਟੋਗ੍ਰਾਫਰ ਲੁਈਸ ਡਾਗੁਏਰੇ ਨੇ ਚੰਦਰਮਾ ਦੀ ਪਹਿਲੀ ਫੋਟੋ ਪ੍ਰਦਰਸ਼ਿਤ ਕੀਤੀ ਸੀ।
- 2 ਜਨਵਰੀ 1757 ਨੂੰ ਬ੍ਰਿਟਿਸ਼ ਫੌਜਾਂ ਨੇ ਭਾਰਤੀ ਸ਼ਹਿਰ ਕਲਕੱਤਾ (ਹੁਣ ਕੋਲਕਾਤਾ) ‘ਤੇ ਕਬਜ਼ਾ ਕਰ ਲਿਆ।
- ਅੱਜ ਦੇ ਦਿਨ 1970 ਵਿੱਚ ਮਸ਼ਹੂਰ ਤੈਰਾਕ ਬੁਲਾ ਚੌਧਰੀ ਦਾ ਜਨਮ ਹੋਇਆ ਸੀ।
- 2 ਜਨਵਰੀ 1940 ਨੂੰ ਭਾਰਤੀ ਅਮਰੀਕੀ ਗਣਿਤ-ਸ਼ਾਸਤਰੀ ਐਸ. ਆਰ. ਸ਼੍ਰੀਨਿਵਾਸ ਵਰਧਨ ਦਾ ਜਨਮ ਹੋਇਆ ਸੀ।
- ਅੱਜ ਦੇ ਦਿਨ 1906 ‘ਚ ਮਸ਼ਹੂਰ ਭਾਰਤੀ ਉਦਯੋਗਪਤੀ ਡੀ.ਐਨ. ਖੁਰੌੜੇ ਦਾ ਜਨਮ ਹੋਇਆ ਸੀ, ਜਿਸ ਨੇ ਭਾਰਤ ਦੇ ਡੇਅਰੀ ਉਦਯੋਗ ‘ਚ ਯੋਗਦਾਨ ਪਾਇਆ ਸੀ।
- ਕੇਰਲਾ ਦੇ ਮਸ਼ਹੂਰ ਸਮਾਜ ਸੁਧਾਰਕ ਮੰਨੱਤੂ ਪਦਮਨਾਭਨ ਦਾ ਜਨਮ 2 ਜਨਵਰੀ 1878 ਨੂੰ ਹੋਇਆ ਸੀ।
