ਮੁੰਬਈ, 3 ਜਨਵਰੀ, ਦੇਸ਼ ਕਲਿਕ ਬਿਊਰੋ :
ਮਹਾਰਾਸ਼ਟਰ ਦੇ ਕੋਲਹਾਪੁਰ ‘ਚ ਇਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ।ਇੱਥੇ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਤੋਂ ਬਾਅਦ ਬਜ਼ੁਰਗ ਮੁੜ ਜ਼ਿੰਦਾ ਹੋ ਗਿਆ। ਅਸਲ ਵਿੱਚ ਲਾਸ਼ ਨੂੰ ਐਂਬੂਲੈਂਸ ਵਿੱਚ ਲਿਜਾਇਆ ਜਾ ਰਿਹਾ ਸੀ।ਇਸ ਦੌਰਾਨ ਐਂਬੂਲੈਂਸ ਸਪੀਡ ਬ੍ਰੇਕਰ ‘ਤੇ ਉਛਲੀ, ਜਿਸ ਤੋਂ ਬਾਅਦ ਬਜ਼ੁਰਗ ਦੇ ਸਾਹ ਵਾਪਸ ਆ ਗਏ।
ਪਰਿਵਾਰਕ ਮੈਂਬਰ ਫਿਰ ਬਜ਼ੁਰਗ ਨੂੰ ਹਸਪਤਾਲ ਲੈ ਗਏ। ਡਾਕਟਰਾਂ ਨੇ ਜਾਂਚ ਕੀਤੀ ਅਤੇ ਵਿਅਕਤੀ ਦੀ ਸਿਹਤ ਠੀਕ ਪਾਈ ਗਈ।ਫਿਲਹਾਲ ਬਜ਼ੁਰਗ ਘਰ ਪਰਤ ਆਏ ਹਨ।
ਕੋਲਹਾਪੁਰ ਦੇ ਕਸਬਾ ਬਾਵਦਾ ਇਲਾਕੇ ‘ਚ ਰਹਿਣ ਵਾਲੇ ਪਾਂਡੁਰੰਗ ਉਲਪੇ ਦੀ ਉਮਰ 65 ਸਾਲ ਹੈ।16 ਦਸੰਬਰ ਦੀ ਸ਼ਾਮ ਨੂੰ, ਪਾਂਡੁਰੰਗ ਨੂੰ ਅਚਾਨਕ ਚੱਕਰ ਆਇਆ, ਦਿਲ ਦਾ ਦੌਰਾ ਪਿਆ ਅਤੇ ਘਰ ਵਿੱਚ ਡਿੱਗ ਗਏ।
ਪਰਿਵਾਰ ਵਾਲਿਆਂ ਨੇ ਉਸ ਨੂੰ ਇਲਾਜ ਲਈ ਕੋਲਹਾਪੁਰ ਦੇ ਗੰਗਾਵੇਸ਼ ਵਿਖੇ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ, ਜਿੱਥੇ ਡਾਕਟਰਾਂ ਨੇ ਦੋ-ਤਿੰਨ ਘੰਟੇ ਬਾਅਦ ਪਾਂਡੁਰੰਗ ਨੂੰ ਮ੍ਰਿਤਕ ਐਲਾਨ ਦਿੱਤਾ।
