ਅੱਜ ਦਾ ਇਤਿਹਾਸ
31 ਜਨਵਰੀ 1963 ਨੂੰ ਮੋਰ ਭਾਰਤ ਦਾ ਰਾਸ਼ਟਰੀ ਪੰਛੀ ਐਲਾਨਿਆ ਗਿਆ ਸੀ
ਚੰਡੀਗੜ੍ਹ, 31 ਜਨਵਰੀ, ਦੇਸ਼ ਕਲਿਕ ਬਿਊਰੋ :
ਦੇਸ਼ ਅਤੇ ਦੁਨੀਆ ਵਿਚ 31 ਜਨਵਰੀ ਦਾ ਇਤਿਹਾਸ ਕਈ ਮਹੱਤਵਪੂਰਨ ਘਟਨਾਵਾਂ ਦਾ ਗਵਾਹ ਹੈ ਅਤੇ ਕਈ ਮਹੱਤਵਪੂਰਨ ਘਟਨਾਵਾਂ ਇਤਿਹਾਸ ਦੇ ਪੰਨਿਆਂ ਵਿਚ ਸਦਾ ਲਈ ਦਰਜ ਹੋ ਗਈਆਂ ਹਨ।ਅੱਜ ਚਰਚਾ ਕਰਾਂਗੇ 31 ਜਨਵਰੀ ਦੇ ਇਤਿਹਾਸ ਬਾਰੇ :-
- ਇਸ ਦਿਨ 2010 ‘ਚ ਹਾਲੀਵੁੱਡ ਫਿਲਮ ‘ਅਵਤਾਰ’ ਦੋ ਅਰਬ ਡਾਲਰ ਦੀ ਕਮਾਈ ਕਰਕੇ ਦੁਨੀਆ ਭਰ ‘ਚ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ ਬਣ ਗਈ ਸੀ।
- 31 ਜਨਵਰੀ 2007 ਨੂੰ ਭਾਰਤੀ ਸਟੀਲ ਕੰਪਨੀ ਟਾਟਾ ਐਂਗਲੋ-ਡੱਚ ਸਟੀਲ ਕੰਪਨੀ ਕੋਰਸ ਨੂੰ ਲੈਣ ਤੋਂ ਬਾਅਦ ਦੁਨੀਆ ਦੀ ਪੰਜਵੀਂ ਸਭ ਤੋਂ ਵੱਡੀ ਕੰਪਨੀ ਬਣ ਗਈ ਸੀ।
- ਅੱਜ ਦੇ ਦਿਨ 2005 ਵਿੱਚ ਬੰਗਲਾਦੇਸ਼ ਨੇ ਜ਼ਿੰਬਾਬਵੇ ਤੋਂ ਵਨਡੇ ਸੀਰੀਜ਼ 3-2 ਨਾਲ ਜਿੱਤੀ ਸੀ।
- 2005 ਵਿਚ 31 ਜਨਵਰੀ ਨੂੰ ਜਨਰਲ ਜੋਗਿੰਦਰ ਸਿੰਘ ਨਵੇਂ ਥਲ ਸੈਨਾ ਮੁਖੀ ਬਣੇ ਸਨ।
- ਅੱਜ ਦੇ ਦਿਨ 2002 ਵਿੱਚ ਝਾਰਖੰਡ ਦੇ ਰਾਜਪਾਲ ਪ੍ਰਭਾਤ ਕੁਮਾਰ ਨੇ ਅਸਤੀਫਾ ਦੇ ਦਿੱਤਾ ਸੀ।
- 1990 ਵਿਚ 31 ਜਨਵਰੀ ਨੂੰ ਰੂਸ ਦੀ ਰਾਜਧਾਨੀ ਮਾਸਕੋ ਵਿਚ ਦੁਨੀਆ ਦਾ ਸਭ ਤੋਂ ਵੱਡਾ ਮੈਕਡੋਨਲਡ ਸਟੋਰ ਖੋਲ੍ਹਿਆ ਗਿਆ ਸੀ।
- ਅੱਜ ਦੇ ਦਿਨ 1983 ਵਿੱਚ ਕੋਲਕਾਤਾ ਵਿੱਚ ਪਹਿਲੀ ਖੁਸ਼ਕ ਬੰਦਰਗਾਹ ਦੀ ਸ਼ੁਰੂਆਤ ਹੋਈ ਸੀ।
- 1979 ‘ਚ 31 ਜਨਵਰੀ ਨੂੰ ਚੀਨ ਨੇ ਸੋਵੀਅਤ ਸੰਘ ‘ਤੇ ਵਿਸ਼ਵ ਯੁੱਧ ਭੜਕਾਉਣ ਦਾ ਮੁੱਖ ਦੇਸ਼ ਹੋਣ ਦਾ ਦੋਸ਼ ਲਗਾਇਆ ਸੀ।
- ਅੱਜ ਦੇ ਦਿਨ 1972 ਵਿੱਚ ਬੀਰੇਂਦਰ ਬੀਰ ਬਿਕਰਮ ਸ਼ਾਹ ਨੇਪਾਲ ਦਾ 12ਵਾਂ ਰਾਜਾ ਬਣਿਆ ਸੀ।
- 1968 ਵਿਚ 31 ਜਨਵਰੀ ਨੂੰ ਅਮਰੀਕਾ ਨੇ ਨੇਵਾਡਾ ਵਿਚ ਪ੍ਰਮਾਣੂ ਪ੍ਰੀਖਣ ਕੀਤਾ ਸੀ।
- 31 ਜਨਵਰੀ 1963 ਨੂੰ ਮੋਰ ਭਾਰਤ ਦਾ ਰਾਸ਼ਟਰੀ ਪੰਛੀ ਐਲਾਨਿਆ ਗਿਆ ਸੀ।
- 1962 ਵਿਚ 31 ਜਨਵਰੀ ਨੂੰ ਆਰਗੇਨਾਈਜ਼ੇਸ਼ਨ ਆਫ ਅਮਰੀਕਨ ਨੇਸ਼ਨਜ਼ ਨੇ ਕਿਊਬਾ ਨੂੰ ਸ਼ਾਮਲ ਨਾ ਕਰਨ ਦਾ ਫੈਸਲਾ ਕੀਤਾ ਸੀ।
- ਅੱਜ ਦੇ ਦਿਨ 1958 ਵਿੱਚ ਅਮਰੀਕਾ ਨੇ ਪਹਿਲਾ ਧਰਤੀ ਉਪਗ੍ਰਹਿ ਲਾਂਚ ਕੀਤਾ ਸੀ।
- 31 ਜਨਵਰੀ 1915 ਨੂੰ ਪਹਿਲੇ ਵਿਸ਼ਵ ਯੁੱਧ ਦੌਰਾਨ ਜਰਮਨੀ ਨੇ ਰੂਸ ਵਿਰੁੱਧ ਜ਼ਹਿਰੀਲੀ ਗੈਸ ਦੀ ਵਰਤੋਂ ਕੀਤੀ ਸੀ।
- ਅੱਜ ਦੇ ਦਿਨ 1893 ‘ਚ ‘ਕੋਕਾ ਕੋਲਾ’ ਟ੍ਰੇਡਮਾਰਕ ਨੂੰ ਅਮਰੀਕਾ ‘ਚ ਪਹਿਲੀ ਵਾਰ ਪੇਟੈਂਟ ਕੀਤਾ ਗਿਆ ਸੀ।
- 31 ਜਨਵਰੀ 1599 ਨੂੰ ਬ੍ਰਿਟੇਨ ਦੀ ਮਹਾਰਾਣੀ ਐਲਿਜ਼ਾਬੈਥ ਪਹਿਲੀ ਦੇ ਹੁਕਮ ‘ਤੇ ਭਾਰਤ ਵਿਚ ਬ੍ਰਿਟੇਨ ਦੀ ਪਹਿਲੀ ਈਸਟ ਇੰਡੀਆ ਕੰਪਨੀ ਦੀ ਸਥਾਪਨਾ ਕੀਤੀ ਗਈ ਸੀ।
Published on: ਜਨਵਰੀ 31, 2025 6:55 ਪੂਃ ਦੁਃ
