ਲੁਧਿਆਣਾ : ਬਿਜਲੀ ਦੇ ਮੀਟਰ ‘ਚ ਬਲਾਸਟ, ਇਲੈਕਟ੍ਰੀਸ਼ੀਅਨ ਬੁਰੀ ਤਰ੍ਹਾਂ ਝੁਲ਼ਸਿਆ, ਜਿੰਮ ਟਰੇਨਰ ਦੇ ਵਾਲ਼ ਜਲੇ
ਲੁਧਿਆਣਾ, 1 ਫਰਵਰੀ, ਦੇਸ਼ ਕਲਿਕ ਬਿਊਰੋ :
ਅੱਜ ਲੁਧਿਆਣਾ ਵਿਖੇ ਬਾਬਾ ਥਾਨ ਸਿੰਘ ਚੌਕ ਵਿੱਚ ਜਿੰਮ ਦੇ ਬਾਹਰ ਲੱਗੇ ਬਿਜਲੀ ਦੇ ਮੀਟਰ ਵਿੱਚ ਧਮਾਕਾ ਹੋ ਗਿਆ। ਅਚਾਨਕ ਮੀਟਰ ‘ਚੋਂ ਧੂੰਆਂ ਨਿਕਲ ਰਿਹਾ ਸੀ। ਲੋਕਾਂ ਨੇ ਇਸ ਦੀ ਜਾਂਚ ਕਰਨ ਲਈ ਇੱਕ ਪ੍ਰਾਈਵੇਟ ਇਲੈਕਟ੍ਰੀਸ਼ੀਅਨ ਨੂੰ ਬੁਲਾਇਆ। ਮੀਟਰ ਚੈੱਕ ਕਰਦੇ ਸਮੇਂ ਧਮਾਕਾ ਹੋ ਗਿਆ। ਹਾਦਸੇ ਵਿੱਚ ਇੱਕ ਇਲੈਕਟ੍ਰੀਸ਼ੀਅਨ ਅਤੇ ਇੱਕ ਜਿਮ ਟ੍ਰੇਨਰ ਜ਼ਖ਼ਮੀ ਹੋ ਗਏ।
ਇਲੈਕਟ੍ਰੀਸ਼ੀਅਨ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਅੱਗ ਲੱਗਣ ਕਾਰਨ ਉਸ ਦਾ ਚਿਹਰਾ ਬੁਰੀ ਤਰ੍ਹਾਂ ਝੁਲਸ ਗਿਆ ਹੈ। ਜਿਮ ਟ੍ਰੇਨਰ ਦੇ ਵਾਲ਼ ਜਲ਼ ਗਏ ਪਰ ਹਾਲਤ ਠੀਕ ਹੈ। ਜਾਣਕਾਰੀ ਅਨੁਸਾਰ ਅੱਜ ਜਦੋਂ ਬਾਬਾ ਥਾਨ ਸਿੰਘ ਚੌਕ ਵਿਖੇ ਇੱਕ ਜਿੰਮ ਦੇ ਬਾਹਰ ਲੱਗੇ ਬਿਜਲੀ ਦੇ ਮੀਟਰ ਵਿੱਚੋਂ ਅਚਾਨਕ ਧੂੰਆਂ ਨਿਕਲਣ ਲੱਗਾ ਤਾਂ ਜਿੰਮ ਦੇ ਟਰੇਨਰ ਨੇ ਨਜ਼ਦੀਕੀ ਇਲੈਕਟ੍ਰੀਸ਼ੀਅਨ ਨੂੰ ਫੋਨ ਕੀਤਾ। ਜਿੱਥੇ ਜਾਂਚ ਦੌਰਾਨ ਅਚਾਨਕ ਮੀਟਰ ‘ਚ ਬਲਾਸਟ ਹੋ ਗਿਆ।
ਧਮਾਕੇ ਦੌਰਾਨ ਇਲੈਕਟ੍ਰੀਸ਼ੀਅਨ ਅਤੇ ਜਿਮ ਟ੍ਰੇਨਰ ਦੋਵੇਂ ਜਖ਼ਮੀ ਹੋ ਗਏ। ਜਿਨ੍ਹਾਂ ਨੂੰ ਤੁਰੰਤ ਸੀਐਮਸੀ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ। ਜਦੋਂ ਕਿ ਇਲੈਕਟ੍ਰੀਸ਼ੀਅਨ ਨੂੰ ਚਿਹਰਾ ਜ਼ਿਆਦਾ ਝੁਲਸਣ ਨਾਲ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ, ਜਿਮ ਟ੍ਰੇਨਰ ਨੂੰ ਮੁੱਢਲੀ ਸਹਾਇਤਾ ਤੋਂ ਬਾਅਦ ਛੁੱਟੀ ਦੇ ਦਿੱਤੀ ਗਈ ਹੈ।
Published on: ਫਰਵਰੀ 1, 2025 6:12 ਬਾਃ ਦੁਃ
