ਨਵੀਂ ਦਿੱਲੀ , 3 ਫਰਵਰੀ, ਦੇਸ਼ ਕਲਿਕ ਬਿਊਰੋ :
ਫੋਰਬਸ ਨੇ ਦੁਨੀਆ ਦੇ 10 ਸਭ ਤੋਂ ਸ਼ਕਤੀਸ਼ਾਲੀ ਦੇਸ਼ਾਂ ਦੀ ਸੂਚੀ ਜਾਰੀ ਕੀਤੀ ਹੈ, ਭਾਰਤ ਇਸ ਸੂਚੀ ‘ਚੋਂ ਬਾਹਰ ਰਹਿ ਗਿਆ ਹੈ। ਫੋਰਬਸ ਦੀ 2025 ਦੀ ਇਸ ਨਵੀਂ ਸੂਚੀ ‘ਚ ਟਾਪ 10 ‘ਚ ਅਮਰੀਕਾ ਪਹਿਲੇ ਸਥਾਨ ‘ਤੇ ਹੈ ਜਦਕਿ ਚੀਨ ਦੂਜੇ ਸਥਾਨ ‘ਤੇ ਹੈ। ਇਜ਼ਰਾਈਲ ਨੇ ਟਾਪ 10 ‘ਚ ਦਸਵੇਂ ਸਥਾਨ ‘ਤੇ ਕਬਜ਼ਾ ਕੀਤਾ ਹੈ।
ਫੋਰਬਸ ਦੀ ਇਸ ਸੂਚੀ ‘ਚ ਭਾਰਤ ਨੂੰ ਟਾਪ 10 ‘ਚੋਂ ਬਾਹਰ ਰੱਖਣ ‘ਤੇ ਕਈ ਗੰਭੀਰ ਸਵਾਲ ਖੜ੍ਹੇ ਹੋ ਰਹੇ ਹਨ। ਪਰ ਫੋਰਬਸ ਨੇ ਕਿਹਾ ਹੈ ਕਿ ਰੈਂਕਿੰਗ ਜਾਰੀ ਕਰਦੇ ਸਮੇਂ ਇਹ ਕਈ ਤਰ੍ਹਾਂ ਦੇ ਮਾਪਦੰਡਾਂ ਦੀ ਜਾਂਚ ਕਰਦਾ ਹੈ ਅਤੇ ਫਿਰ ਸੂਚੀ ਜਾਰੀ ਕੀਤੀ ਜਾਂਦੀ ਹੈ।
ਫੋਰਬਸ ਨੇ ਸਮਝਾਇਆ ਕਿ ਪਾਵਰ ਸਬ-ਰੈਂਕਿੰਗ ਪੰਜ ਮੁੱਖ ਗੁਣਾਂ ਦੇ ‘ਸਕੋਰਾਂ ਦੀ ਬਰਾਬਰ ਵਜ਼ਨ ਔਸਤ’ ‘ਤੇ ਆਧਾਰਿਤ ਹੈ ਜੋ ਕਿਸੇ ਦੇਸ਼ ਦੀ ਸ਼ਕਤੀ ਨੂੰ ਦਰਸਾਉਂਦੇ ਹਨ। ਇਸਦੇ ਲਈ, ਫੋਰਬਸ ਜਿਨ੍ਹਾਂ ਬਿੰਦੂਆਂ ‘ਤੇ ਸੂਚੀ ਵਿੱਚ ਸ਼ਾਮਲ ਦੇਸ਼ਾਂ ਦੀ ਜਾਂਚ ਕਰਦਾ ਹੈ ਉਨ੍ਹਾਂ ‘ਚ ਇੱਕ ਨੇਤਾ, ਆਰਥਿਕ ਪ੍ਰਭਾਵ, ਰਾਜਨੀਤਿਕ ਪ੍ਰਭਾਵ, ਮਜ਼ਬੂਤ ਅੰਤਰਰਾਸ਼ਟਰੀ ਗਠਜੋੜ ਅਤੇ ਇੱਕ ਮਜ਼ਬੂਤ ਫੌਜ ਹਨ।
ਫੋਰਬਸ ਦੀ ਸੂਚੀ BAV ਸਮੂਹ ਦੁਆਰਾ ਤਿਆਰ ਕੀਤੀ ਗਈ ਹੈ ਜੋ ਗਲੋਬਲ ਮਾਰਕੀਟਿੰਗ ਸੰਚਾਰ ਕੰਪਨੀ WPP ਦੀ ਇੱਕ ਇਕਾਈ ਹੈ। ਇਸ ਰੈਂਕਿੰਗ ਨੂੰ ਤਿਆਰ ਕਰਨ ਵਾਲੀ ਖੋਜ ਟੀਮ ਦੀ ਅਗਵਾਈ ਯੂਨੀਵਰਸਿਟੀ ਆਫ ਪੈਨਸਿਲਵੇਨੀਆ ਦੇ ਵਾਰਟਨ ਸਕੂਲ ਦੇ ਪ੍ਰੋਫੈਸਰ ਡੇਵਿਡ ਰੀਬਸਟੀਨ ਨੇ ਕੀਤੀ ਹੈ ਅਤੇ ਇਸ ਤਰ੍ਹਾਂ ਕਈ ਮਾਪਦੰਡਾਂ ਦੀ ਜਾਂਚ ਕਰਨ ਤੋਂ ਬਾਅਦ ਇਹ ਸੂਚੀ ਤਿਆਰ ਕੀਤੀ ਗਈ ਹੈ। ਭਾਰਤ ਦੇ ਨਾਲ-ਨਾਲ ਪਾਕਿਸਤਾਨ ਵੀ ਇਸ ਸੂਚੀ ‘ਚ ਟਾਪ 10 ‘ਚ ਕਿਤੇ ਵੀ ਨਹੀਂ ਹੈ।
| ਪਾਵਰ ਰੈਂਕ ਅਤੇ ਦੇਸ਼ | ਜੀਡੀਪੀ | ਆਬਾਦੀ |
| ਅਮਰੀਕਾ | 30.34 ਟ੍ਰਿਲੀਅਨ ਡਾਲਰ | 34.5 ਕਰੋੜ |
| ਚੀਨ | 19.53 ਟ੍ਰਿਲੀਅਨ ਡਾਲਰ | 141.9 ਕਰੋੜ |
| ਰੂਸ | 2.2 ਟ੍ਰਿਲੀਅਨ ਡਾਲਰ | 144.4 ਕਰੋੜ |
| ਯੂਨਾਈਟਡ ਕਿੰਗਡਮ | 3.73 ਟ੍ਰਿਲੀਅਨ ਡਾਲਰ | 6.91 ਕਰੋੜ |
| ਜਰਮਨੀ | 4.92 ਟ੍ਰਿਲੀਅਨ ਡਾਲਰ | 8.45 ਕਰੋੜ |
| ਦੱਖਣੀ ਕੋਰੀਆ | 1.95 ਟ੍ਰਿਲੀਅਨ ਡਾਲਰ | 5.17 ਕਰੋੜ |
| ਫਰਾਂਸ | 3.28 ਟ੍ਰਿਲੀਅਨ ਡਾਲਰ | 6.65 ਕਰੋੜ |
| ਜਾਪਾਨ | 4.39 ਟ੍ਰਿਲੀਅਨ ਡਾਲਰ | 12.37 ਕਰੋੜ |
| ਸਾਊਦੀ ਅਰਬ | 1.14 ਟ੍ਰਿਲੀਅਨ ਡਾਲਰ | 3.39 ਕਰੋੜ |
| ਇਜਰਾਈਲ | 550.91 ਬਿਲੀਅਨ ਡਾਲਰ | 93.8 ਲੱਖ |
Published on: ਫਰਵਰੀ 3, 2025 11:11 ਪੂਃ ਦੁਃ
