ਸੁਲਤਾਨਪਰ ਲੋਧੀ, 14 ਫ਼ਰਵਰੀ, ਦੇਸ਼ ਕਲਿਕ ਬਿਊਰੋ :
ਆਸਟਰੇਲੀਆ ਦੇ ਸਿਡਨੀ ਹਾਈਵੇਅ ’ਤੇ ਹੋਈ ਭਿਆਨਕ ਦੁਰਘਟਨਾ ਦੌਰਾਨ 29 ਸਾਲਾ ਪੰਜਾਬੀ ਨੌਜਵਾਨ ਸਤਬੀਰ ਸਿੰਘ ਥਿੰਦ ਦੀ ਮੌਤ ਹੋ ਗਈ। ਹਾਦਸਾ ਉਸ ਵੇਲੇ ਵਾਪਰਿਆ ਜਦੋਂ ਇਮਾਰਤੀ ਸਮੱਗਰੀ ਨਾਲ ਭਰਿਆ ਟਰੱਕ ਪਲਟ ਗਿਆ ਅਤੇ ਉਸਦੇ ਨਾਲ ਹੀ ਦੂਜੇ ਪਾਸਿਓਂ ਆ ਰਿਹਾ ਟਰੱਕ ਵੀ ਟਕਰਾ ਗਿਆ।ਸਿਡਨੀ ਪੁਲਿਸ ਨੇ ਮੌਕੇ ’ਤੇ ਪਹੁੰਚ ਕੇ ਬਚਾਅ ਕਾਰਜ ਸ਼ੁਰੂ ਕੀਤਾ। ਸਤਬੀਰ ਸਿੰਘ ਨੂੰ ਬਹੁਤ ਮੁਸ਼ੱਕਤ ਤੋਂ ਬਾਅਦ ਮਲਬੇ ਵਿੱਚੋਂ ਕੱਢਿਆ ਗਿਆ, ਪਰ ਉਹਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਸਤਬੀਰ ਸਿੰਘ ਪਿੰਡ ਠੱਟਾ ਨਵਾਂ (ਕਪੂਰਥਲਾ) ਦੇ ਰਹਿਣ ਵਾਲੇ ਅਤੇ ਰਿਟਾਇਰਡ ਏਐਸਆਈ ਤਰਸੇਮ ਸਿੰਘ ਦੇ ਪੁੱਤਰ ਸਨ।ਦੂਜੇ ਟਰੱਕ ਦਾ 27 ਸਾਲਾ ਡਰਾਈਵਰ ਕੈਨਬਰਾ ਹਸਪਤਾਲ ਵਿੱਚ ਗੰਭੀਰ ਹਾਲਤ ਵਿੱਚ ਦਾਖਲ ਹੈ। ਉਹ ਤਕਰੀਬਨ ਸੱਤ ਘੰਟੇ ਮਲਬੇ ਵਿੱਚ ਫਸਿਆ ਰਿਹਾ। ਦੁਰਘਟਨਾ ਦੌਰਾਨ ਦੋਵੇਂ ਟਰੱਕ ਪੂਰੀ ਤਰ੍ਹਾਂ ਚਕਨਾਚੂਰ ਹੋ ਗਏ।
Published on: ਫਰਵਰੀ 14, 2025 5:43 ਬਾਃ ਦੁਃ
