ਪਸ਼ੂ ਪਾਲਣ ਵਿਭਾਗ ਦੀ ਸੁਪਰਡੈਂਟ ਗਰੇਡ 1 ਮੈਡਮ ਹਰਵਿੰਦਰ ਕੌਰ ਨੂੰ ਸੇਵਾ ਮੁਕਤੀ ਤੇ ਡਾਇਰੈਕਟਰ ਪਸ਼ੂ ਪਾਲਣ ਵਿਭਾਗ ਪੰਜਾਬ ਅਤੇ ਸਮੂਹ ਸਟਾਫ ਨੇ ਦਿੱਤੀ ਸ਼ਾਨਦਾਰ ਵਿਦਾਇਗੀ ਪਾਰਟੀ
ਮੋਹਾਲੀ: 28 ਫਰਵਰੀ, ਦੇਸ਼ ਕਲਿੱਕ ਬਿਓਰੋ
ਅੱਜ ਪਸ਼ੂ ਪਾਲਣ ਵਿਭਾਗ ਪੰਜਾਬ ਦੇ ਮੁੱਖ ਦਫਤਰ ਲਾਈਵ ਸਟਾਕ ਕੰਮਲੈਕਸ ਮੋਹਾਲੀ ਵਿਖੇ ਲੰਬੇ ਸਮੇਂ ਤੋਂ ਸੇਵਾਵਾਂ ਨਿਭਾ ਰਹੀ ਮੈਡਮ ਹਰਵਿੰਦਰ ਕੌਰ ਸੁਪਰਡੈਂਟ ਗਰੇਡ 1 ਕਮ ਪੀ ਏ ਡਾਇਰੈਕਟਰ ਪਸ਼ੂ ਪਾਲਣ ਵਿਭਾਗ, ਅੱਜ ਪਸ਼ੂ ਪਾਲਣ ਵਿਭਾਗ ਪੰਜਾਬ ਤੋਂ ਸੇਵਾ ਮੁਕਤ ਹੋ ਗਏ ਮੈਡਮ ਹਰਵਿੰਦਰ ਕੌਰ ਨਿਮਰਤਾ, ਇਮਾਨਦਾਰੀ ਅਤੇ ਹਰ ਅਧਿਕਾਰੀ ਅਤੇ ਕਰਮਚਾਰੀ ਨੂੰ ਖਿੜੇ ਮੱਥੇ ਮਿਲਣ ਵਾਲੀ ਮਿੱਠ ਬੋਲੜੀ ਸੁਭਾਅ ਦੀ ਮਾਲਕ ਸੀ ਉਨ੍ਹਾਂ ਨੂੰ ਵਿਭਾਗੀ ਕੰਮਾਂ ਦਾ ਇੰਨਾ ਜ਼ਿਆਦਾ ਤਜੱਰਬਾ ਸੀ ਕਿ ਹਰ ਆਉਣ ਵਾਲਾ ਵਿਭਾਗ ਦਾ ਡਾਇਰੈਕਟਰ ਉਨ੍ਹਾਂ ਨੂੰ ਆਪਣਾ ਪੀ ਏ ਨਿਯੁਕਤ ਕਰਕੇ ਮਾਣ ਮਹਿਸੂਸ ਕਰਦਾ ਸੀ। ਇਸ ਮੌਕੇ ਤੇ ਪਸ਼ੂ ਪਾਲਣ ਵਿਭਾਗ ਦੇ ਡਾਇਰੈਕਟਰ ਡਾਕਟਰ ਗੁਰਸ਼ਰਨਜੀਤ ਸਿੰਘ ਬੇਦੀ ਅਤੇ ਵਿਭਾਗ ਦੇ ਉੱਚ ਅਧਿਕਾਰੀਆਂ ਨੇ ਮੈਡਮ ਹਰਵਿੰਦਰ ਕੌਰ ਦੇ ਕੰਮਾਂ ਦੀ ਸ਼ਲਾਘਾ ਕਰਦੇ ਹੋਏ ਵਿਭਾਗ ਦੇ ਕਰਮਚਾਰੀਆਂ ਨੂੰ ਮੈਡਮ ਹਰਵਿੰਦਰ ਕੌਰ ਤੋਂ ਪ੍ਰੇਰਨਾ ਲੈਣ ਲਈ ਆਖਿਆ ਇਸ ਮੌਕੇ ਤੇ ਮੈਡਮ ਹਰਵਿੰਦਰ ਕੌਰ ਦੀ ਸੇਵਾ ਮੁਕਤੀ ਤੇ ਹਰ ਅਧਿਕਾਰੀ ਅਤੇ ਕਰਮਚਾਰੀ ਦੀ ਅੱਖ ਨੱਮ ਸੀ। ਇਸ ਮੌਕੇ ਤੇ ਵਿਭਾਗ ਦੇ ਸੁਪਰਡੈਂਟ ਗਰੇਡ 1 ਸਰਦਾਰ ਅਵਤਾਰ ਸਿੰਘ ਭੰਗੂ ਨੇ ਬੋਲਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ ਮੈਡਮ ਹਰਵਿੰਦਰ ਕੌਰ ਤੋਂ ਜਿਨ੍ਹਾਂ ਨੂੰ ਵਿਭਾਗੀ ਕੰਮਾ ਦੀ ਬਹੁਤ ਮੁਹਾਰਤ ਸੀ ਬਹੁਤ ਕੁਝ ਸਿਖਿਆ ਹੈ ਜੋ ਹੁਣ ਉਨ੍ਹਾਂ ਵੱਲੋਂ ਪਸ਼ੂ ਪਾਲਣ ਵਿਭਾਗ ਨੂੰ ਬੁਲੰਦੀਆਂ ਤੱਕ ਪਹੁਚਾਉਣ ਲਈ ਸੋਨੇ ਤੇ ਸਵਾਗੇ ਵਾਂਗ ਕੰਮ ਕਰ ਰਿਹਾ ਹੈ ਇਸ ਮੌਕੇ ਤੇ ਵਿਭਾਗ ਦੇ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੇ ਮੈਡਮ ਹਰਵਿੰਦਰ ਕੌਰ ਅਤੇ ਉਨ੍ਹਾਂ ਦੇ ਪਤੀ ਸਰਦਾਰ ਪਰੀਤਮ ਸਿੰਘ ਜੀ ਨੂੰ ਸ਼ਾਨਦਾਰ ਵਿਦਾਇਗੀ ਚਿੰਨ ਅਤੇ ਤੋਹਫ਼ੇ ਦੇ ਕਿ ਭਰੇ ਮਨ ਨਾਲ ਘਰ ਨੂੰ ਰਵਾਨਾ ਕੀਤਾ ਇਸ ਮੌਕੇ ਤੇ ਪਸ਼ੂ ਪਾਲਣ ਵਿਭਾਗ ਦੇ ਦੇ ਡਾਇਰੈਕਟਰ ਡਾਕਟਰ ਗੁਰਸ਼ਰਨਜੀਤ ਸਿੰਘ ਬੇਦੀ,ਡਾਕਟਰ ਪਰਮਦੀਪ ਸਿੰਘ ਵਾਲੀਆ ਜੁਆਇੰਟ ਡਾਇਰੈਕਟਰ, ਡਾਕਟਰ ਸਾਮ ਸਿੰਘ ਜੁਆਇੰਟ ਡਾਇਰੈਕਟਰ , ਡਾਕਟਰ ਰਵੀਕਾਂਤ ਡਿਪਟੀ ਡਾਇਰੈਕਟਰ, ਡਾਕਟਰ ਪਰਮਪਾਲ ਸਿੰਘ, ਡਾਕਟਰ ਸਰਬਦੀਪ ਸਿੰਘ,ਮੈਡਮ ਸਰਬਜੀਤ ਕੌਰ ਅਮਲਾ ਅਫਸਰ,ਸਰਦਾਰ ਗੁਰਸ਼ਰਨ ਸਿੰਘ ਉਰਫ ਭਾਈ ਮੰਨਾ ਸਿੰਘ, ਸਿਕੰਦਰ ਸਿੰਘ ਬਾਦਸ਼ਾਹ, ਤਰਸੇਮ ਰਾਜ, ਕੁਲਵੰਤ ਸਿੰਘ , ਰਜੇਸ਼ ਸ਼ਰਮਾ,ਧਰਮਿੰਦਰ ਸਿੰਘ, ਚਮਕੌਰ ਸਿੰਘ, ਸੰਦੀਪ ਸੈਂਟੀ,ਭਾਈ ਨਰਿੰਦਰ ਸਿੰਘ, ਕੁਲਬੀਰ ਕੌਰ,ਰਵੀ ਕੁਮਾਰ,ਨਿਰਮਲ ਸਿੰਘ, ਸਰਬਜੀਤ ਕੌਰ ਆਦਿ ਸਟਾਫ਼ ਹਾਜ਼ਰ ਸਨ। ਮੀਡੀਆ ਨਾਲ ਇਹ ਜਾਣਕਾਰੀ ਕਿਸ਼ਨ ਚੰਦਰ ਮਹਾਜ਼ਨ ਨੇ ਸਾਂਝੀ ਕੀਤੀ।
Published on: ਫਰਵਰੀ 28, 2025 7:21 ਬਾਃ ਦੁਃ
