ਚੰਡੀਗੜ੍ਹ, 26 ਫਰਵਰੀ, ਦੇਸ਼ ਕਲਿੱਕ ਬਿਓਰੋ :
ਸ਼ੋਸ਼ਲ ਮੀਡੀਆ ਉਤੇ ‘ਮੁੱਖ ਮੰਤਰੀ’ ਨਾਂ ਨਾਲ ਪ੍ਰਸਿੱਧ ਹੋਏ ਨੌਜਵਾਨ ਦਾ ਅੱਜ ਕੱਲ੍ਹ ਬੁਰਾ ਹਾਲ ਹੈ। ਡਿਪਰੈਸ਼ਨ ਕਾਰਨ ਮੁੱਖ ਮੰਤਰੀ ਨੂੰ ਘਰਦਿਆਂ ਵੱਲੋਂ ਰੱਸਿਆ ਨਾਲ ਬੰਨਣਾ ਪਿਆ। ‘ਮੁੱਖ ਮੰਤਰੀ’ ਨਾਲ ਪ੍ਰਸਿੱਧ ਹੋਏ ਧਰਮਪ੍ਰੀਤ ਸਿੰਘ ਪਿੰਡ ਦੀਨੇਵਾਲ ਜ਼ਿਲ੍ਹਾ ਤਰਨਤਾਰਨ ਦੇ ਹਾਲਾਤ ਐਨ੍ਹੇ ਮਾੜੇ ਹੋ ਗਏ ਪਰਿਵਾਰ ਵੱਲੋਂ ਰਸਿਆ ਨਾਲ ਬੰਨ੍ਹਾਂ ਪਿਆ। ਹੁਣ ਅਜਿਹੀ ਮਾੜੀ ਹਾਲਤ ਵਿੱਚ ‘ਮੁੱਖ ਮੰਤਰੀ’ ਨੂੰ ‘ਮਨੁੱਖਤਾ ਦੀ ਸੇਵਾ ਸਭ ਤੋਂ ਵੱਡੀ ਸੇਵਾ ਸੁਸਾਇਟੀ’ ਵੱਲੋਂ ਚਲਾਏ ਜਾ ਰਹੇ ਮਨੁੱਖਤਾ ਦੀ ਸੇਵਾ ਪਰਿਵਾਰ ਵਿੱਚ ਲਿਜਾਇਆ ਗਿਆ ਹੈ। ਇਹ ਉਹੀ ਨੌਜਵਾਨ ਹੈ ਜੋ ਕਿ ਸੋਸ਼ਲ ਮੀਡੀਆ ਦੇ ਉੱਤੇ ਧਮਕ ਬੇਸ ਵਾਲਾ “ਮੁੱਖ ਮੰਤਰੀ” ਦੇ ਨਾਮ ਨਾਲ ਬਹੁਤ ਪ੍ਰਸਿੱਧ ਹੋਇਆ ਸੀ। ਇਹ ਨੌਜਵਾਨ ਸੋਸ਼ਲ ਮੀਡੀਆ ਉੱਤੇ ਆਪਣੇ ਮਜ਼ਾਕੀਆ -ਮਖੌਲੀ ਸੁਭਾਅ ਅਤੇ ਗਾਣਿਆਂ ਦੇ ਲਈ ਬਹੁਤ ਪ੍ਰਸਿੱਧ ਸੀ। ਪਰ ਅੱਜ ਇਸ ਨੌਜਵਾਨ ਦੇ ਹਾਲਾਤ ਇੰਨੇ ਮਾੜੇ ਨੇ ਕਿ ਆਪਣਾ ਆਪ ਸਾਂਭਣ ਦੀ ਸੋਝੀ ਵੀ ਗੁਆ ਚੁੱਕਿਆ ਹੈ। ਜਿਸ ਕਾਰਨ ਪਰਿਵਾਰਿਕ ਮੈਂਬਰ ਇਸ ਨੂੰ ਸੰਗਲ਼ਾਂ ਨਾਲ ਬੰਨ੍ਹ ਕੇ ਰੱਖਣ ਲਈ ਮਜਬੂਰ ਸਨ। ਪਰਿਵਾਰ ਇੰਨਾ ਗ਼ਰੀਬ ਹੈ ਕਿ ਉਨ੍ਹਾਂ ਕੋਲ ਆਪਣੇ ਪੁੱਤ ਨੂੰ ਲੈ ਕੇ ਆਉਣ ਦਾ ਕਿਰਾਇਆ ਤੱਕ ਵੀ ਨਹੀਂ ਸੀ। ਸੁਪਨਿਆਂ ਦੇ ਘਰ ਰਹਿ ਕੇ ਵੀਰ ਤੰਦਰੁਸਤ ਹੋ ਜਾਵੇ ਤੇ ਆਪਣੀ ਜ਼ਿੰਦਗੀ ਦੀ ਮੁੜ ਤੋਂ ਇੱਕ ਨਵੀਂ ਸ਼ੁਰੂਆਤ ਕਰ ਸਕੇ।
Published on: ਫਰਵਰੀ 26, 2025 1:40 ਬਾਃ ਦੁਃ
