2 ਅਪ੍ਰੈਲ 1849 ਨੂੰ ਦੂਜੇ ਐਂਗਲੋ-ਸਿੱਖ ਯੁੱਧ ਤੋਂ ਬਾਅਦ ਬਰਤਾਨਵੀ ਪੰਜਾਬ ਦੀ ਸਥਾਪਨਾ ਹੋਈ ਸੀ
ਚੰਡੀਗੜ੍ਹ, 2 ਅਪ੍ਰੈਲ, ਦੇਸ਼ ਕਲਿਕ ਬਿਊਰੋ :
ਦੇਸ਼ ਅਤੇ ਦੁਨੀਆ ਵਿਚ 2 ਅਪ੍ਰੈਲ ਦਾ ਇਤਿਹਾਸ ਕਈ ਮਹੱਤਵਪੂਰਨ ਘਟਨਾਵਾਂ ਦਾ ਗਵਾਹ ਰਿਹਾ ਹੈ ਅਤੇ ਕਈ ਮਹੱਤਵਪੂਰਨ ਘਟਨਾਵਾਂ ਇਤਿਹਾਸ ਦੇ ਪੰਨਿਆਂ ਵਿਚ ਸਦਾ ਲਈ ਦਰਜ ਹੋ ਗਈਆਂ ਹਨ।ਅੱਜ ਜਾਨਣ ਦੀ ਕੋਸ਼ਿਸ਼ ਕਰਦੇ ਹਾਂ 2 ਅਪ੍ਰੈਲ ਦੇ ਇਤਿਹਾਸ ਬਾਰੇ :-
- ਅੱਜ ਦੇ ਦਿਨ 2017 ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਜੰਮੂ ਅਤੇ ਕਸ਼ਮੀਰ ਵਿੱਚ ਦੇਸ਼ ਦੀ ਸਭ ਤੋਂ ਲੰਬੀ ਚੇਨਾਨੀ-ਨਾਸ਼ਰੀ ਸੜਕ ਸੁਰੰਗ ਰਾਸ਼ਟਰ ਨੂੰ ਸਮਰਪਿਤ ਕੀਤੀ ਸੀ।
- 2 ਅਪ੍ਰੈਲ 2017 ਨੂੰ ਅਮਰੀਕੀ ਗਾਇਕ ਅਤੇ ਗੀਤਕਾਰ ਬੌਬ ਡਾਇਲਨ ਨੇ ਸਾਹਿਤ ਲਈ ਵੱਕਾਰੀ ਨੋਬਲ ਪੁਰਸਕਾਰ ਸਵੀਕਾਰ ਕੀਤਾ ਸੀ।
- ਅੱਜ ਦੇ ਦਿਨ 2011 ਵਿੱਚ ਭਾਰਤ ਨੇ ਸ਼੍ਰੀਲੰਕਾ ਨੂੰ ਹਰਾ ਕੇ ਦੂਜੀ ਵਾਰ ਕ੍ਰਿਕਟ ਵਿਸ਼ਵ ਕੱਪ ਜਿੱਤਿਆ ਸੀ।
- 2007 ਵਿਚ 2 ਅਪ੍ਰੈਲ ਨੂੰ ਇਕ ਸ਼ਕਤੀਸ਼ਾਲੀ ਸੁਨਾਮੀ ਸੋਲੋਮਨ ਆਈਲੈਂਡਜ਼ ਵਿਚ ਆਈ ਸੀ।
- ਅੱਜ ਦੇ ਦਿਨ 1999 ਵਿੱਚ ਮਾਸਕੋ ਵਿੱਚ ਕਾਮਨਵੈਲਥ ਆਫ ਇੰਡੀਪੈਂਡੈਂਟ ਸਟੇਟਸ (ਸੀਆਈਐਸ) ਦੀ ਸਿਖਰ ਮੀਟਿੰਗ ਹੋਈ ਸੀ।
- 2 ਅਪ੍ਰੈਲ 1997 ਨੂੰ ਸੁਮਿਤਾ ਸਿਨਹਾ ਨੇ 3200 ਕਿਲੋਗ੍ਰਾਮ ਵਜ਼ਨ ਵਾਲੇ ਟਰੱਕ ਨੂੰ ਆਪਣੇ ਉੱਪਰੋਂ ਲੰਘਾਉਣ ਦੀ ਇਜਾਜ਼ਤ ਦੇ ਕੇ ਰਿਕਾਰਡ ਬਣਾਇਆ ਸੀ।
- ਅੱਜ ਦੇ ਦਿਨ 1984 ਵਿੱਚ, ਪੁਲਾੜ ਯਾਤਰੀ ਰਾਕੇਸ਼ ਸ਼ਰਮਾ ਮਿਸ਼ਨ ਸੋਯੂਜ਼ ਟੀ-11 ਦੇ ਤਹਿਤ ਪੁਲਾੜ ਵਿੱਚ ਜਾਣ ਵਾਲੇ ਪਹਿਲੇ ਭਾਰਤੀ ਪੁਲਾੜ ਯਾਤਰੀ ਬਣੇ ਸਨ।
- ਸੋਵੀਅਤ ਯੂਨੀਅਨ ਅਤੇ ਬ੍ਰਾਜ਼ੀਲ ਵਿਚਕਾਰ ਕੂਟਨੀਤਕ ਸਬੰਧ 2 ਅਪ੍ਰੈਲ 1945 ਨੂੰ ਬਹਾਲ ਹੋਏ ਸਨ।
- ਅੱਜ ਦੇ ਦਿਨ 1942 ਵਿੱਚ ਕਾਂਗਰਸ ਨੇ ਕ੍ਰਿਪਸ ਮਿਸ਼ਨ ਦੇ ਪ੍ਰਸਤਾਵ ਨੂੰ ਰੱਦ ਕਰ ਦਿੱਤਾ ਸੀ।
- 2 ਅਪ੍ਰੈਲ 1921 ਨੂੰ ਮਸ਼ਹੂਰ ਵਿਗਿਆਨੀ ਅਲਬਰਟ ਆਈਨਸਟਾਈਨ ਨੇ ਨਿਊਯਾਰਕ ਸਿਟੀ ਵਿਚ ਆਪਣੇ ਨਵੇਂ ਸਾਪੇਖਤਾ ਦੇ ਸਿਧਾਂਤ ‘ਤੇ ਲੈਕਚਰ ਦਿੱਤਾ ਸੀ।
- 2 ਅਪ੍ਰੈਲ 1849 ਨੂੰ ਦੂਜੇ ਐਂਗਲੋ-ਸਿੱਖ ਯੁੱਧ ਤੋਂ ਬਾਅਦ ਬਰਤਾਨਵੀ ਪੰਜਾਬ ਦੀ ਸਥਾਪਨਾ ਹੋਈ ਸੀ।
- ਅੱਜ ਦੇ ਦਿਨ 1982 ਵਿੱਚ ਟੈਨਿਸ ਖਿਡਾਰੀ ਡੇਵਿਡ ਫੇਰਰ ਦਾ ਜਨਮ ਹੋਇਆ ਸੀ।
- ਭਾਰਤ ਦੇ ਮਸ਼ਹੂਰ ਫਿਲਮ ਅਦਾਕਾਰ ਅਜੇ ਦੇਵਗਨ ਦਾ ਜਨਮ 2 ਅਪ੍ਰੈਲ 1969 ਨੂੰ ਹੋਇਆ ਸੀ।
- ਅਭਿਨੇਤਾ ਰੋਸ਼ਨ ਸੇਠ ਦਾ ਜਨਮ ਅੱਜ ਦੇ ਦਿਨ 1942 ਵਿੱਚ ਹੋਇਆ ਸੀ।
- 2 ਅਪ੍ਰੈਲ 1902 ਨੂੰ ਸ਼ਾਸਤਰੀ ਗਾਇਕ ਵੱਡੇ ਗੁਲਾਮ ਅਲੀ ਖਾਨ ਦਾ ਜਨਮ ਹੋਇਆ ਸੀ।
- ਅੱਜ ਦੇ ਦਿਨ 1891 ਵਿਚ ਗੋਆ ਦੇ ਪ੍ਰਸਿੱਧ ਸੁਤੰਤਰਤਾ ਸੈਨਾਨੀ T.B. ਕੁਨਹਾ ਦਾ ਜਨਮ ਹੋਇਆ ਸੀ।
Published on: ਅਪ੍ਰੈਲ 2, 2025 7:09 ਪੂਃ ਦੁਃ