ਅੰਮ੍ਰਿਤਸਰ, 1 ਮਈ, ਦੇਸ਼ ਕਲਿੱਕ ਬਿਓਰੋ :
ਅੱਜ ਮਜ਼ਦੂਰ ਦਿਵਸ ਮੌਕੇ ਰੲਈਆ ਵਿਖੇ ਮਿਡ ਡੇਅ ਮੀਲ ਵਰਕਰਾਂ ਨੇ ਸ਼ਿਕਾਗੋ ਦੇ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਭੇਂਟ ਕੀਤੀ ਤੇ ਆਪਣੀ ਜਥੇਬੰਦੀ ਮਿਡ ਡੇਅ ਮੀਲ ਵਰਕਰ ਯੂਨੀਅਨ ਪੰਜਾਬ ਦੀ ਅਹਿਮ ਮੀਟਿੰਗ ਸੂਬਾਈ ਜਨਰਲ ਸਕੱਤਰ ਮਮਤਾ ਸ਼ਰਮਾ ਦੀ ਅਗਵਾਈ ਵਿੱਚ ਕੀਤੀ ਗਈ। ਮੀਟਿੰਗਵਿੱਚ ਬੋਲਦਿਆਂ ਮਮਤਾ ਸ਼ਰਮਾ ਨੇ ਕਿਹਾ ਕਿ ਜਿਉਂ ਜਿਉਂ ਲੋਕ ਸਭਾ ਦੀਆਂ ਚੋਣਾਂ ਨੇੜੇ ਆ ਰਹੀਆਂ ਨੇ ਸਰਕਾਰ ਵੱਲੋਂ ਚੋਣਾਂ ਵਿੱਚ ਡਿਊਟੀ ਕਰ ਰਹੇ ਮੁਲਾਜ਼ਮਾਂ ਲਈ ਹਰ ਤਰ੍ਹਾਂ ਦੀਆਂ ਸਹੂਲਤਾਂ ਦੇਣ ਲਈ ਲੈਟਰਾ ਜਾਰੀ ਕਰ ਰਹੀ ਹੈ ਪਰ ਜਿਨ੍ਹਾਂ ਵਰਕਰਾਂ ਦੀ ਡਿਊਟੀ ਇਹਨਾਂ ਮੁਲਾਜ਼ਮਾਂ ਲਈ ਖਾਣਾ ਤਿਆਰ ਕਰਨ ਲਈ ਲਗਾਈ ਜਾ ਰਹੀ ਹੈ, ਉਨ੍ਹਾਂ ਲਈ ਸਰਕਾਰ ਨੇ ਕੋਈ ਲੈਟਰ ਜਾਰੀ ਨਹੀਂ ਕੀਤੀ ਕਿ ਅੱਤ ਦੀ ਗਰਮੀ ਵਿੱਚ ਵੋਟਾਂ ਤੋਂ ਇੱਕ ਦਿਨ ਪਹਿਲਾਂ ਅਤੇ ਵੋਟਾਂ ਵਾਲੇ ਦਿਨ ਖਾਣਾ ਤਿਆਰ ਕਰਨ ਵਾਲੀਆਂ ਮਿਡ ਡੇਅ ਮੀਲ ਵਰਕਰਾਂ ਨੂੰ ਉਹਨਾਂ ਦੀ ਦੋ ਦਿਨਾਂ ਦੀ ਮੇਹਨਤ ਦਾ ਮਾਣ ਭੱਤਾ ਕਿਸਨੇ ਦੇਣਾ ਹੈ ਵਰਕਰਾਂ ਦੀ ਮੰਗ ਹੈ ਕਿ ਦੂਸਰਿਆਂ ਮੁਲਾਜ਼ਮਾਂ ਵਾਂਗ ਸਾਡਾ ਵੀ ਦੋ ਦਿਨ ਦਾ ਭੱਤਾ ਵੋਟਾਂ ਤੋਂ ਪਹਿਲਾਂ ਸਾਡੇ ਖਾਤਿਆਂ ਵਿੱਚ ਭੇਜਿਆ ਜਾਵੇ। ਪਹਿਲਾਂ ਦੀ ਤਰ੍ਹਾਂ ਸਾਡਾ ਆਮ ਆਦਮੀ ਦੀ ਸਰਕਾਰ ਵੱਲੋਂ ਸ਼ੋਸ਼ਣ ਨਾਂ ਕੀਤਾ ਜਾਵੇ। ਇਸ ਮੌਕੇ ਸਰਬਜੀਤ ਕੌਰ ਭੋਰਛੀ ਜਸਵਿੰਦਰ ਕੌਰ ਮਹਿਤਾ ਪਰਮਿੰਦਰ ਕੌਰ ਟੋਗ ਮਨਜੀਤ ਕੌਰ ਬਲਜੀਤ ਕੌਰ ਬਲਬੀਰ ਕੌਰ ਕਲੇਰ ਘੁਮਾਣ ਮਨਦੀਪ ਗਗੜੇਵਾਲ ਮਨਜੀਤ ਬਲਜੀਤ ਕੌਰ ਸੁਧਾਰ ਗੁਰਜੀਤ ਕੌਰ ਆਦਿ ਹਾਜ਼ਰ ਸਨ