ਚੰਡੀਗੜ੍ਹ, 31 ਜੁਲਾਈ, ਦੇਸ਼ ਕਲਿੱਕ ਬਿਓਰੋ :
ਸੋਨੇ ਦੀਆਂ ਕੀਮਤਾਂ ਸਮੇਂ ਦੇ ਨਾਲ ਨਾਲ ਲਗਾਤਾਰ ਵਧਦੀਆਂ ਰਹੀਆਂ ਹਨ। ਹਾਰ ਸਿੰਗਾਰ ਲਈ ਵਰਤੇ ਜਾਂਦੇ ਸੋਨੇ ਦੇ ਗਹਿਣੇ ਸੁਹੱਪਣ ਵਧਾਉਂਦੇ ਹਨ। ਸੋਨੇ ਦੀਆਂ ਕੀਮਤਾਂ ਨੇ ਲਗਾਤਾਰ ਆਮ ਆਦਮੀ ਨੂੰ ਵੀ ਪ੍ਰਭਾਵਿਤ ਕੀਤਾ ਹੈ। ਸਾਲ 1964 ਵਿੱਚ ਜੋ ਸੋਨਾ 63.25 ਰੁਪਏ ਦੇ ਭਾਅ ਵਿਕਦਾ ਸੀ ਅੱਜ 50 ਸਾਲ ਬਾਅਦ ਉਹ 71 ਹਜ਼ਾਰ ਤੋਂ ਉੱਤੇ ਪਹੁੰਚ ਗਿਆ ਹੈ। ਸਾਲ 1966 ਤੱਕ ਸੋਨਾ 100 ਰੁਪਏ ਤੋਂ ਵੀ ਹੇਠਾਂ ਰਿਹਾ, ਸਾਲ 1967 ਵਿੱਚ 102.50 ਹੋਇਆ ਸੀ। ਸਾਲ 1979 ਤੱਕ ਸੋਨਾ 1000 ਰੁਪਏ ਪ੍ਰਤੀ ਤੋਲਾ ਨਾ ਪਹੁੰਚ ਸਕਿਆ, ਸਾਲ 1980 ਵਿੱਚ 1330 ਰੁਪਏ ਹੋਇਆ। ਸਾਲ 2007 ਤੱਕ ਸੋਨੇ ਦੀ ਕੀਮਤ 10800 ਰੁਪਏ ਹੋ ਗਈ। ਹੌਲੀ ਹੌਲੀ ਵਧਦੇ ਭਾਅ ਨਾਲ ਪਿਛਲੇ 2023 ਵਿੱਚ ਸੋਨਾ 65,330 ਰੁਪਏ ਅਤੇ ਅੱਜ ਸੋਨੇ ਦਾ ਭਾਅ 71,510 ਰੁਪਏ ਪ੍ਰਤੀ 10 ਗ੍ਰਾਮ ਪਹੁੰਚ ਗਿਆ ਹੈ। ਇਹ ਭਾਅ 24 ਕਰੈਟ ਸੋਨੇ ਦੇ ਹਨ।