ਮਥੂਰਾ, 7 ਅਗਸਤ, ਦੇਸ਼ ਕਲਿਕ ਬਿਊਰੋ :
ਮਥੁਰਾ 'ਚ STF ਨੇ ਪੁਲਿਸ ਮੁਲਾਜ਼ਮ ਦੀ ਹੱਤਿਆ ਦੇ ਮੁਲਜ਼ਮ ਗੈਂਗਸਟਰ ਨੂੰ ਐਨਕਾਊਂਟਰ 'ਚ ਮਾਰ ਦਿੱਤਾ। ਗੈਂਗਸਟਰ ਦਾ ਨਾਂ ਪੰਕਜ ਯਾਦਵ ਸੀ। ਉਹ ਮੁਖਤਾਰ ਅਤੇ ਸ਼ਹਾਬੂਦੀਨ ਗੈਂਗ ਦਾ ਸ਼ਾਰਪ ਸ਼ੂਟਰ ਸੀ। ਪੰਕਜ 'ਤੇ ਇਕ ਲੱਖ ਦਾ ਇਨਾਮ ਸੀ।ਉਹ ਕਾਫੀ ਸਮੇਂ ਤੋਂ ਫਰਾਰ ਸੀ।
ਇਹ ਵੀ ਪੜ੍ਹੋ : ਸੁਲਤਾਨਪੁਰ-ਅੰਮ੍ਰਿਤਸਰ ਹਾਈਵੇ 'ਤੇ ਤੇਜ਼ ਰਫਤਾਰ ਕਾਰ ਨੇ ਮੋਟਰਸਾਈਕਲ ਨੂੰ ਮਾਰੀ ਟੱਕਰ, ਪਿਓ-ਧੀ ਦੀ ਮੌਤ, ਮਾਂ-ਧੀ ਗੰਭੀਰ ਜ਼ਖਮੀ
STF ਦੇ ਡਿਪਟੀ ਐੱਸਪੀ ਧਰਮੇਸ਼ ਸ਼ਾਹੀ ਨੇ ਦੱਸਿਆ ਕਿ ਇਹ ਮੁਕਾਬਲਾ ਅੱਜ ਬੁੱਧਵਾਰ ਸਵੇਰੇ 4 ਵਜੇ ਮਥੁਰਾ-ਆਗਰਾ ਹਾਈਵੇ 'ਤੇ ਫਰਹਾ ਥਾਣਾ ਖੇਤਰ 'ਚ ਹੋਇਆ। ਮੁਖਬਰ ਤੋਂ ਸੂਚਨਾ ਮਿਲੀ ਕਿ ਪੰਕਜ ਆਪਣੇ ਇਕ ਦੋਸਤ ਨਾਲ ਬਾਈਕ 'ਤੇ ਆਗਰਾ ਵੱਲ ਜਾ ਰਿਹਾ ਹੈ।
ਜਦੋਂ ਐਸਟੀਐਫ ਨੇ ਘੇਰਾਬੰਦੀ ਕੀਤੀ ਤਾਂ ਉਹ ਪਿੰਡ ਵਿੱਚ ਵੜ ਕੇ ਭੱਜਣ ਲੱਗਾ ਅਤੇ ਗੋਲੀਬਾਰੀ ਸ਼ੁਰੂ ਕਰ ਦਿੱਤੀ। STF ਨੇ ਵੀ ਜਵਾਬੀ ਕਾਰਵਾਈ ਕੀਤੀ। ਇਸ ਵਿੱਚ ਪੰਕਜ ਨੂੰ ਤਿੰਨ ਗੋਲੀਆਂ ਲੱਗੀਆਂ। ਇੱਕ ਗੋਲੀ ਉਸਦੀ ਲੱਤ ਵਿੱਚ, ਦੂਜੀ ਉਸਦੀ ਕਮਰ ਵਿੱਚ ਅਤੇ ਤੀਜੀ ਉਸਦੇ ਸਿਰ ਵਿੱਚ ਲੱਗੀ। ਜਦਕਿ ਉਸਦਾ ਸਾਥੀ ਹਨੇਰੇ ਦਾ ਫਾਇਦਾ ਉਠਾ ਕੇ ਭੱਜਣ ਵਿੱਚ ਕਾਮਯਾਬ ਹੋ ਗਿਆ। ਉਸ ਦੀ ਗ੍ਰਿਫ਼ਤਾਰੀ ਲਈ ਲਗਾਤਾਰ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ।