ਚੰਡੀਗੜ੍ਹ ਦੀਆਂ ਕਈ ਸੜਕਾਂ ਅੱਜ ਤੇ ਭਲਕੇ ਰਹਿਣਗੀਆਂ ਬੰਦ

ਚੰਡੀਗੜ੍ਹ, 13 ਅਗਸਤ, ਦੇਸ਼ ਕਲਿਕ ਬਿਊਰੋ :

ਚੰਡੀਗੜ੍ਹ ਪੁਲਿਸ ਨੇ ਸੁਤੰਤਰਤਾ ਦਿਵਸ ਦੀ ਰਿਹਰਸਲ ਨੂੰ ਲੈ ਕੇ ਟ੍ਰੈਫਿਕ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। ਟ੍ਰੈਫਿਕ ਐਡਵਾਈਜ਼ਰੀ ਅਨੁਸਾਰ ਅੱਜ ਸਵੇਰੇ 8:30 ਵਜੇ ਤੋਂ ਸਵੇਰੇ 9:15 ਵਜੇ ਤੱਕ ਕੁਝ ਸੜਕਾਂ 'ਤੇ ਆਵਾਜਾਈ ਬੰਦ ਰਹੇਗੀ। ਪੁਲੀਸ ਅਨੁਸਾਰ ਪੰਜਾਬ ਰਾਜ ਭਵਨ ਤੋਂ ਸੈਕਟਰ 5,6 ਅਤੇ 7,8 ਚੌਕ ਤੋਂ ਸੈਕਟਰ 4/5 ਅਤੇ 8/9 ਚੌਕ ਵੱਲ ਜਾਣ ਵਾਲੀ ਸੜਕਾਂ ਬੰਦ ਰਹਿਣਗੀਆ। ਇੱਥੋਂ ਸੈਕਟਰ 1/3/4 ਓਲਡ ਬੈਰੀਕੇਡ ਚੌਕ ਤੋਂ ਬਾਰ ਮੈਮੋਰੀਅਲ ਬੋਗਨਵਿਲੀਆ ਗਾਰਡਨ ਸੈਕਟਰ 3 ਤੱਕ ਦਾ ਰਸਤਾ ਬੰਦ ਰਹੇਗਾ।

ਇਹ ਵੀ ਪੜ੍ਹੋ : ਮੌਸਮ ਵਿਭਾਗ ਵੱਲੋਂ ਦੇਸ਼ ਦੇ 20 ਰਾਜਾਂ ‘ਚ ਭਾਰੀ ਮੀਂਹ ਦਾ ਅਲਰਟ, 8 ਲੋਕਾਂ ਦੀ ਮੌਤ, ਸਕੂਲਾਂ ‘ਚ ਛੁੱਟੀ

ਟਰੈਫਿਕ ਪੁਲੀਸ ਅਨੁਸਾਰ ਬੋਗਨਵਿਲੀਆ ਤੋਂ ਇਹ ਪਰੇਡ ਸੈਕਟਰ 17 ਪਹੁੰਚੇਗੀ। ਬਾਰ ਮੈਮੋਰੀਅਲ ਸੈਕਟਰ 3 ਤੋਂ ਵਾਪਸ ਆ ਕੇ ਪੁਰਾਣੇ ਬੈਰੀਕੇਡ ਚੌਕ ਤੋਂ ਹੁੰਦੀ ਹੋਈ ਇਹ ਪਰੇਡ ਮੱਧ ਮਾਰਗ ’ਤੇ ਮਟਕਾ ਚੌਕ, ਫਿਰ ਸੈਕਟਰ 16/17 ਲਾਈਟ ਪੁਆਇੰਟ ਤੋਂ ਹੁੰਦੀ ਹੋਈ ਜਨ ਮਾਰਗ ’ਤੇ ਪਰੇਡ ਗਰਾਊਂਡ ਸੈਕਟਰ 17 ’ਤੇ ਪਹੁੰਚੇਗੀ। ਇਸ ਦੌਰਾਨ ਇਹ ਸੜਕਾਂ ਵੀ ਬੰਦ ਰਹਿਣਗੀਆਂ। ਚੰਡੀਗੜ੍ਹ ਪੁਲੀਸ ਨੇ ਆਮ ਲੋਕਾਂ ਨੂੰ ਇਸ ਸਮੇਂ ਇਨ੍ਹਾਂ ਰਸਤਿਆਂ ਰਾਹੀਂ ਆਉਣ ਤੋਂ ਗੁਰੇਜ਼ ਕਰਨ ਅਤੇ ਹੋਰ ਰਸਤਿਆਂ ਦੀ ਵਰਤੋਂ ਕਰਨ ਦੀ ਸਲਾਹ ਦਿੱਤੀ ਹੈ।
ਇਸ ਵਾਰ ਚੰਡੀਗੜ੍ਹ ਵਿੱਚ ਆਜ਼ਾਦੀ ਦਿਵਸ ਮੌਕੇ ਚੰਡੀਗੜ੍ਹ ਦੇ ਪ੍ਰਸ਼ਾਸਕ ਅਤੇ ਪੰਜਾਬ ਦੇ ਰਾਜਪਾਲ ਗੁਲਾਬਚੰਦ ਕਟਾਰੀਆ ਝੰਡਾ ਲਹਿਰਾਉਣਗੇ। ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਕਟਾਰੀਆ ਚੰਡੀਗੜ੍ਹ ਦੇ ਸੁਤੰਤਰਤਾ ਦਿਵਸ ਸਮਾਰੋਹ ਵਿੱਚ ਸ਼ਾਮਲ ਹੋਣਗੇ। ਇਸ ਤੋਂ ਪਹਿਲਾਂ ਚੰਡੀਗੜ੍ਹ ਦੇ ਸਾਬਕਾ ਪ੍ਰਸ਼ਾਸਕ ਬਨਵਾਰੀ ਲਾਲ ਪੁਰੋਹਿਤ ਨੇ ਝੰਡਾ ਲਹਿਰਾਇਆ। ਅੱਜ ਬੰਦ ਹੋਣ ਵਾਲੀਆਂ ਸੜਕਾਂ ਭਲਕੇ 15 ਅਗਸਤ ਨੂੰ ਸੁਤੰਤਰਤਾ ਦਿਵਸ ਦੀ ਪਰੇਡ ਕਾਰਨ ਮੁੜ ਬੰਦ ਰਹਿਣਗੀਆਂ।