ਮੋਹਾਲੀ: 19 ਅਗਸਤ, ਦੇਸ਼ ਕਲਿੱਕ ਬਿਓਰੋ
ਅੱਜ ਐਂਟੀ ਅਨਹਾਂਸਮੈਂਟ ਕਮੇਟੀ ਸੈਕਟਰ 76-80 ਦੀ ਮੀਟਿੰਗ ਐਮ ਐਲ ਏ ਸ ਕੁਲਵੰਤ ਸਿੰਘ ਦੀ ਅਗਵਾਈ ਵਿੱਚ ਸੀਏ ਗਮਾਡਾ ਨਾਲ ਹੋਈ ਜਿਸ ਵਿੱਚ ਗਮਾਡਾ ਦੇ ਸੰਬੰਧਿਤ ਵਿਭਾਗਾਂ ਦੇ ਅਧਿਕਾਰੀ ਵੀ ਸ਼ਾਮਲ ਹੋਏ।
ਮੀਟਿੰਗ ਵਿੱਚ ਛੇ ਅਗਸਤ ਨੂੰ ਸੀਐਮ ਦੇ ਵਿਸ਼ੇਸ਼ ਮੁੱਖ ਸਕੱਤਰ ਸ੍ਰੀ ਵੀਕੇ ਸਿੰਘ ਤੇ ਐਮ ਐਲ ਏ ਸ ਕੁਲਵੰਤ ਸਿੰਘ ਦੀ ਅਗਵਾਈ ‘ਚ ਪੰਜਾਬ ਸਿਵਲ ਸਕੱਤਰੇਤ ਵਿਖੇ ਸੀਏ ਗਮਾਡਾ ਤੇ ਹੋਰ ਅਧਿਕਾਰੀਆਂ ਨਾਲ ਹੋਈ ਮੀਟਿੰਗ ਦੇ ਏਜੰਡਿਆਂ ਦੀ ਪ੍ਰੋਗਰੈੱਸ ਬਾਰੇ ਮੁਲੰਕਣ ਕੀਤਾ ਗਿਆ।
ਮੀਟਿੰਗ ਵਿੱਚ ਐਂਟੀ ਅਨਹਾਂਸਮੈਂਟ ਕਮੇਟੀ ਦੇ ਕਨਵੀਨਰ ਸ ਸੁਖਦੇਵ ਸਿੰਘ ਪਟਵਾਰੀ,ਮੈਡਮ ਚਰਨਜੀਤ ਕੌਰ, ਮੇਜਰ ਸਿੰਘ, ਸੁਖਚੈਨ ਸਿੰਘ ਤੇ ਜਰਨੈਲ ਸਿੰਘ ਹਾਜ਼ਰ ਹੋਏ। ਕਮੇਟੀ ਮੈਂਬਰਾਂ ਅਨੁਸਾਰ ਮੀਟਿੰਗ ‘ਚ ਬਹੁਤ ਹੀ ਸਾਰਥਕ ਵਿਚਾਰ ਵਟਾਂਦਰਾ ਹੋਇਆ ਅਤੇ ਜਲਦੀ ਹੀ ਵਧੀਆ ਸਿੱਟਾ ਨਿਕਲਣ ਦੀ ਆਸ ਹੈ।