ਹੈਦਰਾਬਾਦ, 29 ਅਗਸਤ, ਦੇਸ਼ ਕਲਿਕ ਬਿਊਰੋ :
ਹੈਦਰਾਬਾਦ ਵਿੱਚ ਭਾਰਤੀ ਸਟੇਟ ਬੈਂਕ (ਐਸਬੀਆਈ) ਦੇ ਇੱਕ ਸ਼ਾਖਾ ਮੈਨੇਜਰ ਅਤੇ ਉਸ ਦੇ ਸਾਥੀਆਂ ਨੂੰ 175 ਕਰੋੜ ਰੁਪਏ ਦੀ ਧੋਖਾਧੜੀ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਸਾਈਬਰ ਸੁਰੱਖਿਆ ਬਿਊਰੋ ਦੇ ਅਧਿਕਾਰੀ ਮੁਤਾਬਕ ਗ੍ਰਿਫਤਾਰ ਬੈਂਕ ਮੈਨੇਜਰ ਸ਼ਮਸ਼ੀਰ ਗੰਜ ਇਲਾਕੇ 'ਚ ਸਥਿਤ ਐੱਸਬੀਆਈ ਬੈਂਕ 'ਚ ਕੰਮ ਕਰਦਾ ਹੈ।
ਇਹ ਵੀ ਪੜ੍ਹੋ: ਸਹਾਇਕ ਇੰਜੀਨੀਅਰ ਨੂੰ ਬਲੈਕਮੇਲ ਕਰਨ ਅਤੇ ਰਿਸ਼ਵਤ ਮੰਗਣ ਦੇ ਦੋਸ਼ ਹੇਠ PSPCL ਦਾ ਏ.ਓ. ਮੁਅੱਤਲ
ਮੈਨੇਜਰ ਨੇ ਠੱਗਾਂ ਨਾਲ ਮਿਲ ਕੇ ਆਪਣੀ ਬਰਾਂਚ ਵਿੱਚ ਜਾਅਲੀ ਖਾਤੇ ਖੋਲੇ। ਸਾਈਬਰ ਧੋਖਾਧੜੀ ਰਾਹੀਂ ਉਨ੍ਹਾਂ 'ਚ ਪੈਸੇ ਜਮ੍ਹਾ ਕਰਵਾਏ ਗਏ। ਬਦਲੇ ਵਿੱਚ ਮੈਨੇਜਰ ਨੂੰ ਕਮਿਸ਼ਨ ਮਿਲਦਾ ਸੀ। ਫੜੇ ਗਏ ਬੈਂਕ ਮੈਨੇਜਰ ਦੀ ਪਛਾਣ 49 ਸਾਲਾ ਮਧੂ ਬਾਬੂ ਵਜੋਂ ਹੋਈ ਹੈ। ਉਸ ਦਾ ਸਾਥੀ 34 ਸਾਲਾ ਜਿਮ ਟ੍ਰੇਨਰ ਸੰਦੀਪ ਸ਼ਰਮਾ ਹੈ।