ਨਵੀਂ ਦਿੱਲੀ, 29 ਅਗਸਤ, ਦੇਸ਼ ਕਲਿੱਕ ਬਿਓਰੋ :
ਪਿਛਲੇ ਕੁਝ ਦਿਨਾਂ ਤੋਂ ਸੋਨੇ ਦੇ ਭਾਅ ਵਿੱਚ ਉਤਾਰ ਚੜ੍ਹਾਅ ਦੇਖਣ ਨੂੰ ਮਿਲ ਰਹੇ ਹਨ। ਸਰਕਾਰ ਵੱਲੋਂ ਪਹਿਲਾਂ ਬਜਟ ਵਿੱਚ ਸੋਨੇ ਅਤੇ ਚਾਂਦੀ ਉਤੇ ਕਸਟਮ ਡਿਊਟੀ ਘਟਾਏ ਜਾਣ ਤੋਂ ਬਾਅਦ ਸੋਨੇ ਦੇ ਭਾਅ ਤੇਜੀ ਨਾਲ ਘੱਟ ਹੋਏ, ਪ੍ਰੰਤੂ ਅਗਸਤ ਵਿੱਚ ਸੋਨਾ 70,000 ਰੁਪਏ ਤੋਂ ਉਪਰ ਵਿਕਿਆ। ਬੁੱਧਵਾਰ ਦੀ ਰਾਤ ਨੂੰ ਮਲਟੀ ਕਮੋਡਿਟੀ ਐਕਸਚੇਜ ਉਤੇ ਸੋਨੇ ਦੇ ਭਾਅ ਵਿੱਚ ਅਚਾਨਕ 478 ਰੁਪਏ ਦੀ ਗਿਰਾਵਟ ਆਈ ਹੈ। ਉਥੇ ਇਹ ਵੀਰਵਾਰ ਨੂੰ ਵੀ ਇਸਦੇ ਭਾਅ ਘਟੇ ਹਨ।
ਇਹ ਵੀ ਪੜ੍ਹੋ : ਭਾਰਤੀ ਸਟੇਟ ਬੈਂਕ ਦੇ ਮੈਨੇਜਰ ਤੇ ਸਾਥੀਆਂ ਵੱਲੋਂ 175 ਕਰੋੜ ਰੁਪਏ ਦੀ ਧੋਖਾਧੜੀ
ਮਲਟੀ ਕਮੋਡਿਟੀ ਐਕਚੇਂਜ (MCX) ਉਤੇ ਇਸਦੇ ਭਾਅ ਵਿੱਚ 478 ਰੁਪਏ ਦੀ ਕਮੀ ਆਈ ਹੈ ਅਤੇ 4 ਅਕਤੂਬਰ ਨੂੰ ਖਤਮ ਹੋਣ ਵਾਲੇ ਫਿਊਚਰ ਗੋਲਡ ਦਾ ਭਾਅ ਘਟ ਹੋ ਕੇ 71,644 ਰੁਪਏ ਪ੍ਰਤੀ ਗ੍ਰਾਮ ਪਹੁੰਚ ਗਿਆ, ਕਾਰੋਬਾਰ ਦੌਰਾਨ ਇਹ 72075 ਰੁਪਏ ਪੱਧਰ ਉਤੇ ਗਿਆ ਸੀ, ਪ੍ਰੰਤੂ ਫਿਰ ਇਸ ਵਿੱਚ ਗਿਰਾਵਟ ਆਉਣੀ ਸ਼ੁਰੂ ਹੋ ਗਈ। ਵੀਰਵਾਰ ਨੂੰ ਐਮਸੀਐਕਸ ਉਤੇ ਸੋਨੇ ਦਾ ਭਾਅ ਟੁੱਟਿਆ ਹੈ। ਘਰੇਲੂ ਮਾਰਕੀਟ ਵਿੱਚ ਸੋਨੇ ਦਾ ਭਾਅ ਘਟਿਆ ਹੈ। ਆਈਬੀਜੇਈ ਵੈਬਸਾਈਟ ਅਨੁਸਾਰ 27 ਅਗਸਤ ਨੂੰ 24 ਕੈਰੇਟ ਗੋਲਡ 71,762 ਰੁਪਏ ਪ੍ਰਤੀ 10 ਗ੍ਰਾਮ ਸੀ, ਜੋ 28 ਅਗਸਤ ਨੂੰ 71690 ਰੁਪਏ ਪ੍ਰਤੀ 10 ਗ੍ਰਾਮ ਹੋ ਗਿਆ। 22 ਕੈਰੇਟ ਸੋਨਾ 27 ਅਗਸਤ ਨੂੰ 71475 ਰੁਪਏ ਪ੍ਰਤੀ 10 ਗ੍ਰਾਮ ਸੀ, ਜੋ 28 ਅਗਸਤ ਨੂੰ 69970 ਰੁਪਏ ਪ੍ਰਤੀ 10 ਗ੍ਰਾਮ ਹੋ ਗਿਆ ਸੀ।