ਨਵੀਂ ਦਿੱਲੀ, 1 ਸਤੰਬਰ, ਦੇਸ਼ ਕਲਿੱਕ ਬਿਓਰੋ :
ਪਤੀ ਵੱਲੋਂ ਪੋਹਾ ਨਾ ਬਣਾ ਕੇ ਦੇਣ ਉਤੇ ਪਤਨੀ ਨੇ ਆਪਣੀ ਜੀਵਨ ਲੀਲਾ ਖਤਮ ਕਰ ਲਈ। ਇਹ ਘਟਨਾ ਮੱਧ ਪ੍ਰਦੇਸ਼ ਦੇ ਗਵਾਲੀਅਰ ਦੇ ਮੁਰਾਰ ਖੇਤਰ ਦੀ ਹੈ ਜਿੱਥੇ ਪਤੀ ਨਾਲ ਗੁੱਸਾ ਕਰਕੇ ਪਤਨੀ ਨੇ ਆਪਣੇ ਆਪ ਨੂੰ ਹੀ ਖਤਮ ਕਰ ਲਿਆ। ਪਤਨੀ ਨੇ ਪਤੀ ਨੂੰ ਪੋਹਾ ਬਣਾ ਕੇ ਦੇਣ ਲਈ ਕਿਹਾ। ਪਤੀ ਨੇ ਬਣਾਉਣ ਤੋਂ ਮਨ੍ਹਾਂ ਕਰ ਦਿੱਤਾ। ਇਸ ਤੋਂ ਬਾਅਦ ਵਿੱਚ ਝਗੜਾ ਹੋ ਗਿਆ। ਝਗੜਾ ਇੱਥੋਂ ਤੱਕ ਪਹੁੰਚ ਗਿਆ ਕਿ ਪਤਨੀ ਨੇ ਖੁਦਕੁਸ਼ੀ ਕਰ ਲਈ।
ਇਹ ਵੀ ਪੜ੍ਹੋ : LPG ਸਿਲੰਡਰਾਂ ਦੀਆਂ ਕੀਮਤਾਂ ’ਚ ਵਾਧਾ
ਮਿਲੀ ਜਾਣਕਾਰੀ ਅਨੁਸਾਰ ਬਾਲਕਿਸ਼ਨ ਜਾਦੌਨ ਦਾ ਵਿਆਹ ਇਕ ਸਾਲ ਪਹਿਲਾਂ ਕਵਿਤਾ ਨਾਲ ਹੋਇਆ ਸੀ। ਬੀਤੇ ਕੱਲ੍ਹ ਕਵਿਤਾ ਨੇ ਆਪਣੇ ਪਤੀ ਨੂੰ ਕਿਹਾ ਕਿ ਉਸਦਾ ਮਨ ਪੋਹਾ ਖਾਣ ਨੂੰ ਕਰਦਾ ਹੈ ਅਤੇ ਫਿਰ ਉਸ ਨੂੰ ਪੋਹਾ ਬਣਾਉਣ ਲਈ ਕਿਹਾ।
ਜਦੋਂ ਕਵਿਤਾ ਦੇ ਪਤੀ ਬਾਲਕਿਸ਼ਨ ਨੇ ਪੋਹਾ ਨਾ ਬਣਾ ਕੇ ਦਿੱਤਾ ਤਾਂ ਉਸ ਨੇ ਗੁੱਸੇ 'ਚ ਆ ਕੇ ਜੀਵਨਲੀਲਾ ਖਤਮ ਕਰਨ ਦਾ ਦਰਦਨਾਇਕ ਕਦਮ ਚੁੱਕ ਲਿਆ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਪੁਲਸ ਨੇ ਮੌਕੇ 'ਤੇ ਪਹੁੰਚ ਕੇ ਲਾਸ਼ ਨੂੰ ਪੋਸਟਮਾਰਟਮ ਹਾਊਸ ਭੇਜ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਐਡੀਸ਼ਨਲ ਐਸਪੀ ਨਿਰੰਜਨ ਸ਼ਰਮਾ ਨੇ ਕਿਹਾ ਕਵਿਤਾ ਨਵ-ਵਿਆਹੀ ਸੀ, ਇਸ ਲਈ ਪੁਲਿਸ ਦਾਜ ਸਮੇਤ ਘਰੇਲੂ ਹਿੰਸਾ ਵਰਗੇ ਹਰ ਪੱਖ ਤੋਂ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਮ੍ਰਿਤਕਾ ਦੇ ਪਤੀ ਨੇ ਦੱਸਿਆ ਕਿ ਪੋਹਾ ਨਾ ਬਣਾਉਣ ਨੂੰ ਲੈ ਕੇ ਪਤੀ-ਪਤਨੀ ਵਿਚਾਲੇ ਝਗੜਾ ਹੋ ਗਿਆ ਸੀ। ਇਸ ਤੋਂ ਬਾਅਦ ਉਸ ਨੇ ਆਪਣੀ ਜੀਵਨਲੀਲਾ ਸਮਾਪਤ ਕਰ ਲਈ। ਪੁਲਿਸ ਨੇ ਪਰਿਵਾਰ ਦੇ ਹੋਰਨਾਂ ਮੈਂਬਰਾਂ ਸਮੇਤ ਕੁੜੀ ਪੱਖ ਦੇ ਮੈਂਬਰਾਂ ਦੇ ਬਿਆਨ ਦਰਜ ਕਰਕੇ ਅਗਲੇਰੀ ਕਾਰਵਾਈ ਕਰੇਗੀ।