ਐਸਐਸਪੀ ਸ੍ਰੀ ਗੁਲਨੀਤ ਸਿੰਘ ਖੁਰਾਨਾ ਨੇ ਕੀਤਾ ਸਨਮਾਨਿਤ
ਮੋਰਿੰਡਾ 6 ਸਤੰਬਰ ( ਭਟੋਆ)
ਜ਼ਿਲਾ ਰੂਪਨਗਰ ਦੇ ਐਸਐਸਪੀ ਸ੍ਰੀ ਗੁਲਨੀਤ ਸਿੰਘ ਖੁਰਾਨਾ ਵੱਲੋਂ ਮੋਰਿੰਡਾ ਦੀ ਜੰਮਪਲ ਅਤੇ ਮੋਰਿੰਡਾ ਪੁਲਿਸ ਵਿੱਚ ਹੌਲਦਾਰ ਕੁਲਬੀਰ ਕੌਰ ਭਟੋਆ ਨੂੰ ਬੀਤੇ ਦਿਨੀ ਉੱਤਰ ਪ੍ਰਦੇਸ਼ ਦੇ ਗਾਜ਼ੀਪੁਰ ਵਿਖੇ ਹੋਈ ਤੀਜੀ ਨੈਸ਼ਨਲ ਮਾਸਟਰ ਵੇਟਲਿਫਟਿੰਗ ਚੈਂਪੀਅਨਸ਼ਿਪ ਵਿਚ ਮਹਿਲਾ ਵਰਗ ਵਿੱਚ ਸਟਰਾਂਗਰ ਵੁਮੈਨ ਆਫ ਇੰਡੀਆ ਅਤੇ
ਬੈਸਟ ਲਿਫਟਰ ਦਾ ਐਵਾਰਡ ਮਿਲਣ ਤੇ ਵਧਾਈ ਦਿੱਤੀ ਅਤੇ ਹੌਸਲਾ ਅਫਜਾਈ ਕਰਦਿਆਂ ਉਚੇਚੇ ਤੌਰ ਤੇ ਸਨਮਾਨਿਤ ਕੀਤਾ ਗਿਆ।
ਵਰਣਨਯੋਗ ਹੈ ਕਿ 28-29 ਅਗਸਤ ਨੂੰ ਗਾਜ਼ੀਪੁਰ ਵਿੱਚ ਹੋਈ ਇਸ ਵੇਟ ਲਿਫਟਿੰਗ ਚੈਂਪੀਅਨਸ਼ਿਪ ਵਿੱਚ ਦੇਸ਼ ਦੇ 28 ਰਾਜਾਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੇ ਲਗਭਗ 190 ਬੇਟਲੀਫਰਾਂ ਵੱਲੋ ਭਾਗ ਲਿਆ ਗਿਆ ਸੀ। ਜਿਨਾਂ ਵਿੱਚ ਹੋਏ ਫਾਈਨਲ ਮੁਕਾਬਲੇ ਵਿੱਚ ਪੁਰਸ਼ ਵਰਗ ਵਿੱਚ ਦਿੱਲੀ ਦੇ ਹਰਾਗਪਾਲ ਨੂੰ ਬੈਸਟ ਇਲੈਕਟਰ ਆਫ ਇੰਡੀਆ ਅਤੇ ਮਹਿਲਾ ਵਰਗ ਵਿੱਚ ਪੰਜਾਬ ਦੇ ਮਰਿੰਡਾ ਦੀ ਰਹਿਣ ਵਾਲੀ ਕੁਲਬੀਰ ਕੌਰ ਭਟਵਾ ਨੂੰ ਬੈਸਟ ਲਿਫਟਰ ਆਫ ਇੰਡੀਆ ਦਾ ਖਿਤਾਬ ਦਿੱਤਾ ਗਿਆ ਹੈ । ਕੁਲਬੀਰ ਕੌਰ ਭਟੋਆ ਦੀ ਇਸ ਮਾਨਯੋਗ ਪ੍ਰਾਪਤੀ ਤੇ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਤੇ ਲੋਕ ਸਭਾ ਮੈਂਬਰ ਸ੍ਰੀ ਚਰਨਜੀਤ ਸਿੰਘ ਚੰਨੀ, ਹਲਕਾ ਵਿਧਾਇਕ ਡਾਕਟਰ ਚਰਨਜੀਤ ਸਿੰਘ, ਨਗਰ ਕੌਂਸਲ ਦੇ ਸਾਬਕਾ ਪ੍ਰਧਾਨ ਤੇ ਹਲਕਾ ਖਰੜ ਦੇ ਇੰਚਾਰਜ ਸ੍ਰੀ ਵਿਜੇ ਕੁਮਾਰ ਟਿੰਕੂ, ਨਗਰ ਕੌਂਸਲ ਦੇ ਪ੍ਰਧਾਨ ਜਗਦੇਵ ਸਿੰਘ ਭਟੋਆ, ਸੀਨੀਅਰ ਮੀਤ ਪ੍ਰਧਾਨ ਅੰਮ੍ਰਿਤ ਪਾਲ ਸਿੰਘ ਖੱਟੜਾ , ਸਮੂਹ ਕੌਂਸਲਰਾਂ ਅਤੇ ਅਕਾਲੀ ਦਲ ਦੀ ਜਨਰਲ ਕੌਂਸਲ ਦੇ ਮੈਂਬਰ ਜੁਗਰਾਜ ਸਿੰਘ ਮਾਨਖੇੜੀ , ਪੀਏਸੀ ਦੇ ਮੈਂਬਰ ਜਗਪਾਲ ਸਿੰਘ ਜੌਲੀ, ਯੂਥ ਆਗੂ ਦਵਿੰਦਰ ਸਿੰਘ ਮਝੈਲ, ਧਰਮਿੰਦਰ ਸਿੰਘ ਕੋਟਲੀ ,ਮਨਦੀਪ ਸਿੰਘ ਰੋਣੀ ,ਲੱਖੀ ਸ਼ਾਹ ,ਮੋਨੂ ਖਾਂ ,ਰਾਜਵਿੰਦਰ ਸਿੰਘ ਸਿੱਧੂ, ਅਤੇ ਬਿਕਰਮਜੀਤ ਸਿੰਘ ਜੁਗਨੂ ਨੇ ਕੁਲਬੀਰ ਕੌਰ ਭਟੋਆ ਨੂੰ ਵਧਾਈ ਦਿੰਦਿਆਂ , ਕਾਮਨਾ ਕੀਤੀ ਕਿ ਸਾਲ 2028 ਦੀਆਂ ਓਲੰਪਿਕ ਖੇਡਾਂ ਵਿੱਚ ਵੀ ਮੋਰਿੰਡਾ ਦੀ ਇਹ ਧੀ ਸ਼ਿਰਕਤ ਕਰਕੇ ਪੰਜਾਬ ਅਤੇ ਦੇਸ਼ ਦਾ ਨਾਮ ਰੋਸ਼ਨ ਕਰੇਗੀ।