ਕੈਲੇਫੋਰਨੀਆਂ, 10 ਸਤੰਬਰ, ਦੇਸ਼ ਕਲਿਕ ਬਿਊਰੋ :
ਐਪਲ ਨੇ ਬੀਤੀ ਰਾਤ ਆਈਫੋਨ-16 ਲਾਂਚ ਕੀਤਾ ਹੈ। ਇਸ ਵਾਰ ਆਈਫੋਨ 'ਚ ਸਭ ਤੋਂ ਵੱਡਾ ਬਦਲਾਅ ਐਪਲ ਇੰਟੈਲੀਜੈਂਸ ਹੈ। ਇਸ ਤੋਂ ਇਲਾਵਾ ਕੈਮਰਾ ਕੰਟਰੋਲ ਲਈ ਸਾਈਡ 'ਤੇ ਨਵਾਂ ਬਟਨ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ : ਪੰਜਾਬ ਪੁਲਿਸ ਵੱਲੋਂ ਗੈਂਗਸਟਰਾਂ ‘ਤੇ ਵੱਡੀ ਕਾਰਵਾਈ
ਇਹ ਭਾਰਤ 'ਚ 20 ਸਤੰਬਰ ਤੋਂ ਉਪਲਬਧ ਹੋਣਾ ਸ਼ੁਰੂ ਹੋ ਜਾਵੇਗਾ। ਇਸ ਦੀ ਸ਼ੁਰੂਆਤੀ ਕੀਮਤ 79,900 ਰੁਪਏ ਹੈ ਜੋ 1,84,900 ਰੁਪਏ ਤੱਕ ਜਾਂਦੀ ਹੈ। ਤੁਸੀਂ ਇਸਨੂੰ ਔਨਲਾਈਨ ਜਾਂ ਸਟੋਰਾਂ ਵਿੱਚ ਖਰੀਦ ਸਕਦੇ ਹੋ।
ਆਈਫੋਨ-16 ਅਤੇ ਆਈਫੋਨ-15 ਦੀ ਕੀਮਤ 'ਚ ਸਿਰਫ 10,000 ਰੁਪਏ ਦਾ ਫਰਕ ਹੈ। ਕੈਮਰੇ ਦੀ ਸ਼ੇਪ ਤੋਂ ਇਲਾਵਾ, iPhone 16 ਦਾ ਆਕਾਰ, ਸ਼ੇਪ ਅਤੇ ਡਿਸਪਲੇ ਲਗਭਗ iPhone 15 ਵਰਗਾ ਹੈ।
ਇਸੇ ਦੌਰਾਨ 30% ਵੱਡੇ ਸਕ੍ਰੀਨ ਨਾਲ ਐਪਲ ਵਾਚ ਸੀਰੀਜ਼ 10 ਪੇਸ਼ ਕੀਤੀ ਗਈ। ਇਹ ਐਪਲ ਦੀ ਹੁਣ ਤੱਕ ਦੀ ਸਭ ਤੋਂ ਪਤਲੀ ਘੜੀ ਹੈ (9.7mm)। ਸ਼ੁਰੂਆਤੀ ਕੀਮਤ 46,900 ਰੁਪਏ ਹੈ।
ਕੰਪਨੀ ਨੇ AirPods 4 ਅਤੇ AirPods Max ਵੀ ਨਵੇਂ ਪੇਸ਼ ਕੀਤੇ ਹਨ।