ਕਲਾਸ ’ਚ ਮੋਬਾਇਲ ਦੀ ਘੰਟੀ ਵੱਜਣ ’ਤੇ ਲੜਕੀਆਂ ਦੇ ਉਤਰਵਾਏ ਕੱਪੜੇ

ਹਾਈਕੋਰਟ ਦੇ ਦਾਖਲ ਤੋਂ ਬਾਅਦ ਅਧਿਆਪਕਾ ਵਿਰੁਧ ਪਰਚਾ ਦਰਜ
ਨਵੀਂ ਦਿੱਲੀ, 16 ਅਗਸਤ, ਦੇਸ਼ ਕਲਿੱਕ ਬਿਓਰੋ :
ਕਲਾਸ ਵਿੱਚ ਮੋਬਾਇਲ ਦੀ ਘੰਟੀ ਵੱਜਣ ਉਤੇ ਅਧਿਆਪਕਾ ਨੇ ਸ਼ਰਮਨਾਕ ਕਾਰਾ ਕਰਕੇ ਵਿਦਿਆਰਥਣਾਂ ਦੀ ਤਲਾਸ਼ੀ ਲੈਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮੱਧ ਪ੍ਰਦੇਸ਼ ਦੇ ਇੰਦੌਰ ਵਿੱਚ ਸਰਕਾਰੀ ਸਕੂਲ ਮਲਹਾਰਗੰਜ ਵਿੱਚ ਵਿਦਿਆਰਥਣਾਂ ਦੇ ਕੱਪੜੇ ਲਹਾਕੇ, ਅੰਡਰਵੀਅਰ ਤੇ ਪੈਡ ਤੱਕ ਹਟਾ ਕੇ ਫੋਨ ਦੀ ਤਲਾਸ਼ੀ ਕੀਤੀ ਗਈ। ਹੁਣ ਹਾਈਕੋਰਟ ਦੇ ਦਾਖਲ ਤੋਂ ਬਾਅਦ ਅਧਿਆਪਕਾ ਵਿਰੁੱਧ ਮਾਮਲਾ ਦਰਜ ਕੀਤਾ ਗਿਆ ਹੈ।
ਹਾਈਕੋਰਟ ਨੇ ਪ੍ਰਸ਼ਾਸਨ ਨੂੰ ਕਾਰਵਾਈ ਕਰਨ ਲਈ ਇਕ ਹਫਤੇ ਦਾ ਸਮਾਂ ਦਿੱਤਾ ਸੀ।
ਜ਼ਿਲ੍ਹਾ ਪ੍ਰਸ਼ਾਸਨ ਦੀ ਜਾਂਚ ਟੀਮ ਨੇ ਬੁੱਧਵਾਰ ਨੂੰ ਸਕੂਲ ਵਿੱਚ ਟੀਚਿੰਗ ਸਟਾਫ ਦੇ ਬਿਆਨ ਦਰਜ ਕੀਤੇ। ਇਸ ਤੋਂ ਬਾਅਦ ਅਧਿਆਪਕ ਜਯਾ ਪਵਾਰ ਉਤੇ ਜੁਵੈਨਾਈਲ ਜਸਿਟਸ ਐਕਟ ਦੀ ਧਾਰਾਵਾਂ ਦੇ ਤਹਿਤ ਮਾਮਲਾ ਦਰਜ ਕੀਤਾ ਹੈ। ਵਿਦਿਆਰਥਣਾਂ ਦੇ ਪਰਿਵਾਰਾਂ ਨੇ ਆਰੋਪੀ ਅਧਿਆਪਕਾ ਨੂੰ ਮੁਅੱਤਲ ਕਰਨ ਦੀ ਮੰਗ ਕੀਤੀ।
ਜ਼ਿਕਰਯੋਗ ਹੈ ਕਿ ਪਿਛਲੇ ਦਿਨੀਂ 10ਵੀਂ ਕਲਾਸ ਵਿੱਚ ਫੋਨ ਦੀ ਘੰਟੀ ਸੁਣਾਈ ਦੇਣ ਉਤੇ ਬਾਥਰੂਮ ਵਿੱਚ ਕਈ ਲੜਕੀਆਂ ਦੇ ਕੱਪੜੇ ਉਤਰਵਾ ਦਿੱਤੇ ਸਨ। ਵਿਦਿਆਰਥਣਾਂ ਨੇ ਦੋਸ਼ ਲਗਾਇਆ ਸੀ ਕਿ ਅਧਿਆਪਕ ਨੇ ਅੰਡਰਵੀਅਰ ਤੱਕ ਉਤਰਵਾਏ ਦਿੱਤੇ। ਇਕ ਲੜਕੀ ਨੇ ਦੋਸ਼ ਲਗਾਇਆ ਕਿ ਮੈਡਮ ਨੂੰ ਮੈਂ ਜਦੋਂ ਕਿਹਾ ਕਿ ਮੇਰੀ ਘਰੋਂ ਮਾਂ ਨੂੰ ਬੁਲਾ ਲਓ, ਪਰ ਮੈਂ ਕੱਪੜੇ ਨਹੀਂ ਉਤਾਰਾਂਗੀ ਤਾਂ ਉਸ ਨੇ ਖਿੱਚ ਕੇ ਮੇਰੀ ਸਲਵਾਰ ਉਤਾਰ ਦਿੱਤੀ, ਇੱਥੋਂ ਤੱਕ ਕਿ ਪੀਰੀਅਡ ਆਉਣ ਕਾਰਕੇ ਲਗਾਇਆ ਪੈਡ ਵੀ ਹਟਵਾ ਦਿੱਤਾ। ਇਸ ਸਬੰਧੀ ਜਦੋਂ ਲੜਕੀਆਂ ਨੇ ਮਾਪਿਆ ਨੂੰ ਦੱਸਿਆ ਕਿ ਇਹ ਮਾਮਲਾ ਭੱਖਿਆ।