ਨਵੀਂ ਦਿੱਲੀ, 21 ਸਤੰਬਰ, ਦੇਸ਼ ਕਲਿੱਕ ਬਿਓਰੋ :
ਚੀਨ ਦੀ ਇਕ ਗਵਰਨਰ ਨੂੰ 13 ਸਾਲ ਦੀ ਜੇਲ੍ਹ ਦੀ ਸਜ਼ਾ ਸੁਣਾਈ ਗਈ ਹੈ, ਜਦੋਂ ਕਿ 10 ਲੱਖ ਯੁਆਨ (ਲਗਭਗ 1.18 ਕਰੋੜ ਰੁਪਏ) ਜ਼ੁਰਮਾਨਾ ਕੀਤਾ ਗਿਆ ਹੈ। ਮਹਿਲਾ ਅਧਿਕਾਰੀ ਕਦਾਚਾਰ ਦੇ ਦੋਸ਼ ਵਿੱਚ ਸਜ਼ਾ ਸੁਣਾਈ ਗਈ ਹੈ। ਸਾਊਥ ਚਾਇਨਾ ਮਾਰਨਿੰਗ ਪੋਸਟ ਦੀ ਖਬਰ ਅਨੁਸਾਰ ਝੌਂਗ ਯਾਂਗ ਗੁਈਝੌਡ ਦੇ ਕਿਯਾਨਾਨ ਸੂਬੇ ਦੀ ਗਵਰਨਰ ਰਹੀ ਹੈ। ਸ਼ੁੰਦਰਤਾ ਕਾਰਨ ਉਸ ਨੂੰ ‘ਬਿਊਟੀਫੁਲ ਗਵਰਨਰ’ ਕਿਹਾ ਜਾਂਦਾ ਹੈ।
ਇਹ ਵੀ ਪੜ੍ਹੋ : ਹੁਣ ਧਰਤੀ ਤੋਂ ਦਿਸਣਗੇ ਦੋ ਚੰਦ ਮਾਮੇ
ਯਾਂਗ ਉਤੇ ਦੋਸ਼ ਹੈ ਕਿ ਉਸਨੇ 58 ਪੁਰਸ਼ ਸਹਿਕਾਰੀਆਂ ਨਾਲ ਸ਼ਰੀਰਕ ਸਬੰਧ ਬਣਾਏ ਅਤੇ ਲਗਭਗ 60 ਮਿਲੀਅਨ ਯੁਆਨ (71,02,80,719 ਰੁਪਏ) ਦੀ ਰਿਸ਼ਵਤ ਲਈ ਹੈ। ਉਹ 22 ਸਾਲ ਦੀ ਉਮਰ ਵਿੱਚ ਕਮਿਊਨਿਸਟ ਪਾਰਟੀ ਵਿੱਚ ਸ਼ਾਮਲ ਹੋਈ ਅਤੇ ਨੈਸ਼ਨਲ ਪੀਪਲਜ਼ ਕਾਂਗਰਸ ਵਿੱਚ ਡਿਪਟੀ ਦੇ ਅਹੁਦੇ ਤੱਕ ਪਹੁੰਚੀ। ਰਿਪੋਰਟ ਅਨੁਸਾਰ ਉਨ੍ਹਾਂ ਫਲ ਅਤੇ ਖੇਤੀਬਾੜੀ ਸੰਘ ਸ਼ੁਰੂ ਕਰਨ ਦੀ ਦਿਸ਼ਾ ਵਿੱਚ ਬਹੁਤ ਕੰਮ ਕੀਤਾ। ਇਸ ਰਾਹੀਂ ਉਸਨੇ ਕਿਸਾਨਾਂ ਦੀ ਮਦਦ ਅਤੇ ਜ਼ਰੂਰਤਮੰਦ ਬਜ਼ੁਰਗਾਂ ਦੀ ਮਦਦ ਲਈ ਪੈਸੇ ਖਰਚ ਕੀਤੇ ਜਾਂਦੇ ਸਨ। ਵਿਵਾਦ ਉਸ ਸਮੇਂ ਖੜ੍ਹਾ ਹੋਇਆ ਜਦੋਂ ਗੁਈਝੋਡ ਰੇਡੀਓ ਅਤੇ ਟੈਲੀਵੀਜ਼ਨ ਵੱਲੋਂ ਡਾਕੂਮੈਂਟਰੀ ਪੇਸ਼ ਕੀਤੀ ਗਈ। ਇਸ ਵਿੱਚ ਦੋਸ਼ ਲਗਾਇਆ ਕਿ ਝੌਂਗ ਨੇ ਵੱਡੇ ਪੱਧਰ ਉਤੇ ਰਿਸ਼ਵਤ ਲਈ ਹੈ। ਇਸ ਬਦਲੇ ਉਨ੍ਹਾਂ ਮਨਮਰਜ਼ੀ ਕੰਪਨੀਆਂ ਨੂੰ ਸਰਕਾਰੀ ਨਿਵੇਸ਼ ਦੇ ਬਹਾਨੇ ਵੱਡੀ ਡੀਨ ਸੌਂਪੀ।
ਉਨ੍ਹਾਂ ਉਤੇ ਦੋਸ਼ ਲੱਗਿਆ ਕਿ ਉਨ੍ਹਾਂ ਕੰਪਨੀਆਂ ਨੂੰ ਨਜ਼ਰਅੰਦਾਜ਼ ਕੀਤਾ ਗਿਆ, ਜਿਨ੍ਹਾਂ ਦੇ ਉਸ ਨਾਲ ਵਿਅਕਤੀਗਤ ਸਬੰਧ ਨਹੀਂ ਰਹੇ। ਇਸ ਤੋਂ ਇਲਾਵਾ ਉਸ ਉਤੇ 58 ਪੁਰਸ਼ ਜੂਨੀਅਰ ਸਹਿਕਾਰੀਆਂ ਨਾਲ ਸਬੰਧ ਹੋਣ ਦਾ ਦੋਸ਼ ਲੱਗੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਕੁਝ ਲਾਭ ਲੈਣ ਦੇ ਚੱਕਰ ਵਿੱਚ ਉਸਦੇ ਪ੍ਰੇਮੀ ਬਣੇ ਅਤੇ ਅਤੇ ਕੁਝ ਮਜ਼ਬੂਰੀ ਵਿੱਚ ਅਜਿਹਾ ਕਰਨ ਲਈ ਮਜ਼ਬੂਰ ਹੋਏ। ਇਸ ਤੋਂ ਬਾਅਦ ਵੱਡਾ ਹੰਗਾਮਾ ਖੜ੍ਹਾ ਹੋਇਆ ਤਾਂ ਜਾਂਚ ਸ਼ੁਰੂ ਹੋਈ।