ਤਪੜਾਂ ਵਾਲੇ ਸਕੂਲਾਂ ਚੋਂ ਪੜ ਕੇ ਡੀਐਸਪੀ ਰੈਕ ਤੱਕ ਪਹੁੰਚੇ ਦਰਸ਼ਨ ਸਿੰਘ ਦਾ ਦੇਹਾਂਤ

ਡਾ ਅਜੀਤਪਾਲ ਸਿੰਘ ਦੇ ਸਨ ਨਜ਼ਦੀਕੀ ਰਿਸ਼ਤੇਦਾਰ

(ਬਠਿੰਡਾ) ਮਹਿੰਗੇ ਤੇ ਹੋਟਲਨੁਮਾ ਪਬਲਿਕ ਸਕੂਲਾਂ ਦੀ ਬਜਾਏ ਤੱਪੜਾਂ ਵਾਲੇ ਸਾਧਾਰਨ ਸਰਕਾਰੀ ਸਕੂਲ ਚੋਂ ਪੜ ਕੇ ਡੀਐਸਪੀ ਰੈਂਕ ਤੱਕ ਪਹੁੰਚੇ ਦਰਸ਼ਨ ਸਿੰਘ ਦਾ ਪਿਛਲੇ ਦਿਨੀਂ ਦੇਹਾਂਤ ਹੋ ਗਿਆ l ਸਿਹਤ ਲੇਖਕ ਤੇ ਜਮਹੂਰੀ ਅਧਿਕਾਰ ਸਭਾ ਤੇ ਆਗੂ ਡਾਕਟਰ ਅਜੀਤਪਾਲ ਸਿੰਘ ਐਮ ਡੀ ਦੇ ਰਿਸ਼ਤੇਦਾਰ ਹੀ ਨਹੀਂ ਬਲਕਿ ਗ੍ਰਾਹੀ ਵੀ ਸਨ ਅਤੇ ਇੱਕੋ ਸਕੂਲ ਵਿੱਚ ਪਹਿਲਾਂ ਪੜਦੇ ਰਹੇ ਹਨ l ਮੁਕਤਸਰ ਜ਼ਿਲ੍ਹੇ ਦੇ ਲੰਬੀ ਬਲਾਕ ਤੇ ਪਿੰਡ ਮਿਠੜੀ ਬੁੱਧਗਰ ਦੇ ਵਸਨੀਕ ਦਰਸ਼ਨ ਸਿੰਘ ਪਿੰਡ ਸਿੰਘੇ ਵਾਲਾ ਵਿਖੇ ਸਰਕਾਰੀ ਮਿਡਲ ਸਕੂਲ ਵਿੱਚ ਪੜ੍ਹਦੇ ਰਹੇ ਜੋ ਚਾਰ ਪਿੰਡਾਂ ਦਾ ਸਾਂਝਾ ਸੀ ਜਿਨਾਂ ਵਿੱਚ ਮਿਠੜੀ ਬੁੱਧਗਿਰ,ਸਿੰਘੇ ਵਾਲਾ,ਫਤੂਹੀ ਵਾਲਾ ਤੇ ਫਰੀਦਕੋਟ ਕੋਟਲੀ ਆਉਂਦੇ ਸਨ l

ਡਾਕਟਰ ਅਜੀਤਪਾਲ ਸਿੰਘ ਦੇ ਦਸਣ ਮੁਤਾਬਕ ਉਹ ਬਹੁਤ ਹੀ ਸਧਾਰਨ ਤੇ ਗਰੀਬ ਕਿਸਾਨੀ ਪਰਿਵਾਰ ਦੇ ਜੰਮਪਲ,ਸੁਘੜ ਸਿਆਣੀ ਸੋਚ ਦੇ ਮਾਲਕ ਅਤੇ ਸਰਬੱਤ ਦਾ ਭਲਾ ਚਾਹੁਣ ਵਾਲੇ ਇਨਸਾਨ ਸਨ l ਬਠਿੰਡੇ ਦੀ ਇੱਕ ਨਿੱਜੀ ਹਸਪਤਾਲ ਵਿੱਚ ਕੁਝ ਹਫਤੇ ਦਾਖਲ ਰਹੇ ਕਿਉਂਕਿ ਗੋਡਾ ਬਦਲਣ ਤੋਂ ਵਧੀ ਇਨਫੈਕਸ਼ਨ ਉਹਨਾਂ ਦੇ ਸਾਰੇ ਸਰੀਰ ਵਿੱਚ ਫੈਲ ਗਈ ਜੋ ਗੁਰਦਿਆਂ ਤੇ ਗੰਭੀਰ ਅਸਰ ਕਰ ਗਈ। ਡਾਕਟਰਾਂ ਵੱਲੋਂ ਜ਼ਾਹਿਰ ਕੀਤੀ ਬੇਬਸੀ ਕਾਰਨ ਉਹਨਾਂ ਨੂੰ ਦਇਆਂਨੰਦ ਮੈਡੀਕਲ ਕਾਲਜ/ਹਸਪਤਾਲ ਲੁਧਿਆਣੇ ਦਾਖਲ ਕਰਾਉਣਾ ਪਿਆ ਜਿੱਥੇ ਉਹਨਾਂ 4 ਜੂਨ ਨੂੰ ਆਖਰੀ ਸਾਹ ਲਿਆ l ਬਠਿੰਡਾ ਸ਼ਹਿਰ ਦੇ ਡੀਐਸ ਪੀ ਸਿਟੀ ਰਹੇ ਦਰਸ਼ਨ ਸਿੰਘ ਕੁਝ ਸਾਲ ਪਹਿਲਾਂ ਹੀ ਰਿਟਾਇਰ ਹੋਏ ਸਨ। ਉਹ ਆਪਣੇ ਪਿੱਛੇ ਪਤਨੀ ਰਣਜੀਤ ਕੌਰ ਚਾਰ ਧੀਆਂ ਤੇ ਇੱਕ ਪੁੱਤ ਛੱਡ ਗਏ ਹਨ ਜੋ ਕਨੇਡਾ ਰਹਿੰਦੇ ਹਨ l ਉਹਨਾਂ ਨਮਿੱਤ ਅੰਤਿਮ ਅਰਦਾਸ ਅਤੇ ਭੋਗ ਸਮਾਗਮ ਮਲੋਟ ਸ਼ਹਿਰ ਦੀ ਪੁੱਡਾ ਕਲੋਨੀ (ਬਠਿੰਡਾ ਰੋਡ) ਦੇ ਸ੍ਰੀ ਗੁਰੂ ਨਾਨਕ ਦਰਬਾਰ ਗੁਰਦੁਆਰਾ ਸਾਹਿਬ ਨੇੜੇ ਦਾਣਾ ਮੰਡੀ ਵਿਖੇ 13 ਜੂਨ ਵੀਰਵਾਰ ਨੂੰ ਹੋਵੇਗਾ l
ਡਾ ਅਜੀਤਪਾਲ ਸਿੰਘ