ਸ਼੍ਰੀਨਗਰ, 27 ਜੁਲਾਈ, ਦੇਸ਼ ਕਲਿੱਕ ਬਿਓਰੋ :
ਜੰਮੂ ਕਸ਼ਮੀਰ ਵਿੱਚ ਵਾਪਰੇ ਇਕ ਭਿਆਨਕ ਹਾਦਸੇ ਵਿੱਚ ਇਕ ਪਰਿਵਾਰ ਦੇ 5 ਬੱਚਿਆਂ ਸਮੇਤ 8 ਜਾਣਿਆਂ ਦੀ ਮੌਤ ਹੋ ਗਈ। ਇਹ ਹਾਦਸਾ ਜ਼ਿਲ੍ਹਾ ਅਨੰਤਨਾਗ ਵਿੱਚ ਵਾਪਰਿਆ। ਸਿਮਥਾਨ-ਕੋਕੇਰਨਾਗ ਰੋਡ ਉਤੇ ਇਕ ਵਾਹਨ ਖਾਈ ਵਿੱਚ ਡਿੱਗ ਗਿਆ। ਇਸ ਵਿੱਚ ਸਵਾਰ 5 ਬੱਚਿਆਂ ਸਮੇਤ 8 ਦੀ ਮੌਤ ਹੋ ਗਈ। ਮਰਨ ਵਾਲਿਆਂ ਵਿੱਚ 2 ਔਰਤਾਂ ਵੀ ਸ਼ਾਮਲ ਹਨ। ਸ਼ੁਰੂਆਤ ਵਿੱਚ ਆਈਆਂ ਖ਼ਬਰਾਂ ਮੁਤਾਬਕ ਸਾਰੇ ਇਕ ਪਰਿਵਾਰ ਦੇ ਹੀ ਸਨ। ਗੱਡੀ ਮੜਵਾ ਕਿਸ਼ਤਵਾੜ ਤੋਂ ਹੋ ਕੇ ਅੱਗੇ ਲੰਘ ਰਹੀ ਸੀ, ਇਸ ਦੌਰਾਨ ਡਰਾਈਵਰ ਤੋਂ ਕਾਰ ਦਾ ਸੰਤੁਲਨ ਵਿਗੜ ਗਿਆ, ਜਿਸ ਕਾਰਨ ਗੱਡੀ ਖੱਡ ਵਿੱਚ ਡਿੱਗ ਗਈ। ਮ੍ਰਿਤਕਾਂ ਦੀ ਪਹਿਚਾਣ ਕਿਸ਼ਤਵਾੜ ਦੇ ਰਹਿਣ ਵਾਲੇ ਇਮਤਿਆਜ ਰਾਥ 45 ਸਾਲ, ਅਫਰੋਜਾ ਬੇਗਮ 40 ਸਾਲ, ਰੇਸ਼ਮਾ 40 ਸਾਲ ਪਤੀ ਮਾਜਿਕ ਅਹਿਮਦ, ਅਰੀਬਾ ਇਮਤਿਆਜ 12 ਸਾਲ, ਅਨਿਆ ਜਾਨ 10 ਸਾਲ, ਅਬਾਨ 6 ਸਾਲ, ਮੁਸੈਬ ਮਾਜਿਦ 16 ਸਾਲ ਅਤੇ ਮੁਸ਼ੈਲ ਮਾਜਿਦ 8 ਸਾਲ ਵਜੋਂ ਹੋਈ ਹੈ। ਇਸ ਘਟਨਾ ਦਾ ਪਤਾ ਚਲਦਿਆਂ ਪੁਲਿਸ ਮੌਕੇ ਉਤੇ ਪਹੁੰਚ ਗਈ, ਪੁਲਿਸ ਨੇ ਮਾਮਲਾ ਦਰ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ।