1823 'ਚ ਕਲਕੱਤੇ ਵਿਖੇ ਬਣੇ ਪਹਿਲੇ ਭਾਫ਼ ਵਾਲੇ ਜਹਾਜ਼ 'ਡਾਇਨਾ' ਦਾ ਉਦਘਾਟਨ ਕੀਤਾ ਗਿਆ ਸੀ
ਚੰਡੀਗੜ੍ਹ, 12 ਜੁਲਾਈ, ਦੇਸ਼ ਕਲਿਕ ਬਿਊਰੋ :
ਦੇਸ਼ ਅਤੇ ਦੁਨੀਆ ਵਿਚ 12 ਜੁਲਾਈ ਦਾ ਇਤਿਹਾਸ ਕਈ ਮਹੱਤਵਪੂਰਨ ਘਟਨਾਵਾਂ ਦਾ ਗਵਾਹ ਹੈ ਅਤੇ ਕਈ ਮਹੱਤਵਪੂਰਨ ਘਟਨਾਵਾਂ ਇਤਿਹਾਸ ਦੇ ਪੰਨਿਆਂ ਵਿਚ ਸਦਾ ਲਈ ਦਰਜ ਹੋ ਗਈਆਂ ਹਨ।ਆਓ ਜਾਣੀਏ 12 ਜੁਲਾਈ ਦੇ ਇਤਿਹਾਸ ਬਾਰੇ :-
* ਅੱਜ ਦੇ ਦਿਨ 2003 ਵਿਚ ਉੱਤਰੀ ਅਤੇ ਦੱਖਣੀ ਕੋਰੀਆ ਪ੍ਰਮਾਣੂ ਹਥਿਆਰਾਂ ਦੇ ਮੁੱਦੇ 'ਤੇ ਗੱਲਬਾਤ ਕਰਨ ਲਈ ਸਹਿਮਤ ਹੋਏ ਸਨ।
* 2001 ਵਿਚ 12 ਜੁਲਾਈ ਨੂੰ ਭਾਰਤ ਅਤੇ ਬੰਗਲਾਦੇਸ਼ ਵਲੋਂ ਅਗਰਤਲਾ ਅਤੇ ਢਾਕਾ ਵਿਚਕਾਰ 'ਮਿੱਤਰੀ' ਬੱਸ ਸੇਵਾ ਸ਼ੁਰੂ ਕੀਤੀ ਗਈ ਸੀ।
* ਅੱਜ ਦੇ ਦਿਨ 1998 ਵਿਚ ਫਰਾਂਸ ਨੇ 16ਵੇਂ ਵਿਸ਼ਵ ਕੱਪ ਫੁੱਟਬਾਲ ਦੇ ਫਾਈਨਲ ਵਿਚ ਬ੍ਰਾਜ਼ੀਲ ਨੂੰ 3-0 ਨਾਲ ਹਰਾਇਆ ਸੀ।
* ਲੋਟੇ ਵਰਲਡ ਐਡਵੈਂਚਰ 12 ਜੁਲਾਈ 1989 ਨੂੰ ਸਿਓਲ, ਦੱਖਣੀ ਕੋਰੀਆ ਵਿੱਚ ਖੋਲ੍ਹਿਆ ਗਿਆ ਸੀ।
* ਅੱਜ ਦੇ ਦਿਨ 1970 ਵਿਚ ਅਲਕਨੰਦਾ ਨਦੀ ਵਿਚ ਆਏ ਭਾਰੀ ਹੜ੍ਹ ਵਿਚ 600 ਲੋਕਾਂ ਦੀ ਮੌਤ ਹੋ ਗਈ ਸੀ।
* ਭਾਗਲਪੁਰ ਅਤੇ ਰਾਂਚੀ ਯੂਨੀਵਰਸਿਟੀਆਂ ਦੀ ਸਥਾਪਨਾ 12 ਜੁਲਾਈ 1960 ਨੂੰ ਹੋਈ ਸੀ।
* 12 ਜੁਲਾਈ 1935 ਨੂੰ ਬੈਲਜੀਅਮ ਨੇ ਤਤਕਾਲੀ ਸੋਵੀਅਤ ਸੰਘ ਨੂੰ ਮਾਨਤਾ ਦਿੱਤੀ ਸੀ।
* ਅੱਜ ਦੇ ਦਿਨ 1918 ਵਿਚ ਟੋਕਯਾਮ ਖਾੜੀ ਵਿਚ ਜਾਪਾਨੀ ਜੰਗੀ ਬੇੜੇ ਵਿਚ ਧਮਾਕਾ ਹੋਣ ਕਾਰਨ 500 ਲੋਕਾਂ ਦੀ ਜਾਨ ਚਲੀ ਗਈ ਸੀ।
* 12 ਜੁਲਾਈ, 1912 ਨੂੰ ‘ਕੁਈਨ ਐਲਿਜ਼ਾਬੈਥ’ ਅਮਰੀਕਾ ਵਿੱਚ ਪ੍ਰਦਰਸ਼ਿਤ ਹੋਣ ਵਾਲੀ ਪਹਿਲੀ ਵਿਦੇਸ਼ੀ ਫ਼ਿਲਮ ਬਣੀ ਸੀ।
* ਅੱਜ ਦੇ ਦਿਨ 1862 ਵਿੱਚ ਅਮਰੀਕੀ ਕਾਂਗਰਸ ਨੇ ਮੈਡਲ ਆਫ ਆਨਰ ਨੂੰ ਅਧਿਕਾਰਤ ਕੀਤਾ ਸੀ।
* 12 ਜੁਲਾਈ 1823 ਨੂੰ ਕਲਕੱਤੇ ਵਿਚ ਭਾਰਤ ਵਿਚ ਬਣੇ ਪਹਿਲੇ ਭਾਫ਼ ਵਾਲੇ ਜਹਾਜ਼ 'ਡਾਇਨਾ' ਦਾ ਉਦਘਾਟਨ ਕੀਤਾ ਗਿਆ ਸੀ।
* ਅੱਜ ਦੇ ਦਿਨ 1812 ਵਿਚ ਜਨਰਲ ਹਲ ਦੀ ਅਗਵਾਈ ਵਿਚ ਅਮਰੀਕੀ ਫੌਜ ਨੇ ਕੈਨੇਡਾ 'ਤੇ ਹਮਲਾ ਕੀਤਾ ਸੀ।
* 12 ਜੁਲਾਈ 1673 ਨੂੰ ਨੀਦਰਲੈਂਡ ਅਤੇ ਡੈਨਮਾਰਕ ਵਿਚਕਾਰ ਰੱਖਿਆ ਸੰਧੀ ਹੋਈ ਸੀ।
* ਅੱਜ ਦੇ ਦਿਨ 1346 ਵਿਚ ਲਕਸਮਬਰਗ ਦੇ ਚਾਰਲਸ ਚੌਥੇ ਨੂੰ ਰੋਮਨ ਸਾਮਰਾਜ ਦਾ ਸ਼ਾਸਕ ਨਿਯੁਕਤ ਕੀਤਾ ਗਿਆ ਸੀ।