ਨਵੀਂ ਦਿੱਲੀ, 21 ਅਗਸਤ, ਦੇਸ਼ ਕਲਿੱਕ ਬਿਓਰੋ :
ਸੋਸ਼ਲ ਮੀਡੀਆ ਉਤੇ ਇਕ ਅਧਿਆਪਕਾਂ ਦੀ ਵੀਡੀਓ ਖੂਬ ਵਾਇਰਲ ਹੋ ਰਹੀ ਹੈ। ਲੋਕ ਦੇਖ ਕੇ ਉਸਦੀ ਤਾਰੀਫ ਕਰਦੇ ਨਹੀਂ ਥਕਦੇ। ਬਿਹਾਰ ਦੇ ਬਾਂਕਾ ਦੇ ਕਟੋਰੀਆ ਬਲਾਕ ਸਥਿਤ ਸਰਕਾਰੀ ਸਕੂਲ ਕਠੌਨ ਦੀ ਮਹਿਲਾ ਅਧਿਆਪਕ ਦੀ ਵੀਡੀਓ ਸੋਸ਼ਲ ਮੀਡੀਆ ਉਤੇ ਛਾਈ ਹੋਈ ਹੈ। ਲੋਕ ਹੀ ਨਹੀਂ ਕੇਂਦਰ ਸਰਕਾਰ ਦੇ ਸਿੱਖਿਆ ਵਿਭਾਗ ਨੇ ਵੀ ਮੈਡਮ ਦੀ ਤਾਰੀਫ ਕੀਤੀ ਹੈ।
ਮੈਡਮ ਖੁਸ਼ਬੂ ਦੇ ਪੜ੍ਹਾਉਣ ਦੀ ਚਰਚਾ ਹੋ ਰਹੀ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਬੱਚੇ ਸਕੂਲੋਂ ਮੈਡਮ ਦੇ ਪੜ੍ਹਾਉਣ ਤੋਂ ਖੁਸ਼ ਹੋ ਕੇ ਘਰਾਂ ਨੂੰ ਜਾਂਦੇ ਹਨ।
ਸਕੂਲਾਂ ਵਿੱਚ ਬੱਚਿਆਂ ਵਿੱਚ ਰੁਚੀ ਪੈਦਾ ਕਰਨ ਲਈ ਪਾਠਕ੍ਰਮ ਦੀ ਸਮਝ ਬਣਾਉਣ ਲਈ ਚਹਕ ਐਫਐਲਐਨ ਤਹਿਤ ਪ੍ਰੋਗਰਾਮ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਖੁਸ਼ਬੂ ਵੱਲੋਂ ਅਨੌਖੇ ਢੰਗ ਨਾਲ ਬੱਚਿਆਂ ਨੂੰ ਸਿੱਖਿਆ ਦੇਣ ਦੀ ਵੀਡੀਓ ਲੋਕ ਖੂਬ ਪਾਸੰਦ ਕਰ ਰਹੇ ਹਨ।
ਇਹ ਵੀ ਪੜ੍ਹੋ : ਔਰਤ ਤਿੰਨ ਮੰਜ਼ਿਲਾ ਇਮਾਰਤ ‘ਤੋਂ ਡਿੱਗੀ, ਦੋਵੇਂ ਲੱਤਾਂ ਬੁਰੀ ਤਰ੍ਹਾਂ ਟੁੱਟੀਆਂ, ਗੰਭੀਰ ਹਾਲਤ ‘ਚ PGI ਦਾਖਲ
ਖੁਸ਼ਬੂ ਨੇ ਦੱਸਿਆ ਕਿ ਮੇਰੇ ਪਿਤਾ ਜੀ ਹੁੰਦੇ ਤਾਂ ਇਸ ਪੋ੍ਰਗਰਾਮ ਨੂੰ ਦੇਖ ਕੇ ਬਹੁਤ ਖੁਸ਼ ਹੁੰਦੇ ਅਤੇ ਮੈੂੰ ਡਾਂਸ ਲਈ ਪ੍ਰੇਰਿਤ ਕਰਦੇ। ਮੇਰੇ ਪਤੀ ਵੀ ਸਹਿਯੋਗ ਕਰਦੇ ਹਨ। ਸਰਕਾਰ ਦੇ ਚਹਿਕ ਪ੍ਰੋਗਰਾਮ ਵਿੱਚ ਬੱਚਿਆਂ ਦੀ ਹਾਜ਼ਰੀ ਵਧਾਉਣ ਲਈ ਕੰਮ ਕਰਦੀ ਹਾਂ।