ਖ਼ਤਰਨਾਕ ਤਿਉਹਾਰ : ਇਕ-ਦੂਜੇ ਉਤੇ ਸੁੱਟੇ ਜਾਂਦੇ ਨੇ ਅੱਗ ਦੇ ਗੋਲੇ

ਚੰਡੀਗੜ੍ਹ, 4 ਸਤੰਬਰ, ਦੇਸ਼ ਕਲਿੱਕ ਬਿਓਰੋ :

ਦੁਨੀਆ ਭਰ ਵਿੱਚ ਵੱਖ ਵੱਖ ਦੇਸ਼ਾਂ, ਖੇਤਰਾਂ, ਖਿੱਤਿਆਂ ਵਿੱਚ ਵੱਖਰੇ ਵੱਖਰੇ ਤਿਉਂਹਾਰ, ਰੀਤੀ ਰਿਵਾਜ਼ ਹਨ। ਆਪਣੇ ਆਪਣੇ ਖੇਤਰ ਮੁਤਾਬਕ ਲੋਕ ਵੱਖਰੀ ਕਿਸਮ ਦਾ ਤਿਉਂਹਾਰ ਮਨਾਉਂਦੇ ਹਨ। ਅੱਜ ਇਕ ਅਜਿਹੇ ਤਿਉਂਹਾਰ ਦੀ ਗੱਲ ਕਰਾਂਗੇ ਜਿਸ ਨੂੰ ਖਤਰਨਾਕ ਤਰੀਕੇ ਨਾਲ ਮਨਾਉਂਦੇ ਹਨ। ਇਸ ਵਿਚ ਲੋਕ ਇਕ ਦੂਜੇ ਉਤੇ ਅੱਗ ਦੇ ਗੋਲੇ ਸੁੱਟਦੇ ਹਨ। ਇਹ ਤਿਉਂਹਾਰ ਐਲ ਸਲਵਾਡੋਰ ਦੇ ਨਜਾਪਾ ਸ਼ਹਿਰ ਵਿੱਚ ਮਨਾਇਆ ਜਾਂਦਾ ਹੈ। ਇਹ ਅਮਰੀਕਾ ਦਾ ਇਕ ਛੋਟਾ ਦੇਸ਼ ਹੈ। ਇਸ ਤਿਉਂਹਾਰ ਹਰ ਸਾਲ 31 ਅਗਸਤ ਨੂੰ ਮਨਾਇਆ ਜਾਂਦਾ ਹੈ। ਇਸ ਅੱਗ ਦੇ ਗੋਲੇ ਸੁੱਟਣ ਵਾਲੇ ਤਿਉਂਹਾਰ ਨੂੰ ‘ਫਾਇਰਬਾਲ ਫੈਸਟੀਵਲ’ (Fireball Festival) ਕਿਹਾ ਜਾਂਦਾ ਹੈ।

ਇਹ ਵੀ ਪੜ੍ਹੋ : ਅਧਿਆਪਕ ਨੇ ਕਿਹਾ ਤੁਸੀਂ ਪੜ੍ਹਾਈ ਲਈ ਸੀਰੀਅਸ ਨਹੀਂ, ਬੱਚੇ ਦਾ ਜਵਾਬ ਸੁਣ ਤੁਸੀਂ ਵੀ ਹੋ ਜਾਵੋਗੇ ਹੈਰਾਨ, ਜ਼ਰੂਰ ਦੇਖੋ ਵੀਡੀਓ

ਪਿਛਲੀ 31 ਅਗਸਤ ਨੂੰ ਮਨਾਏ ਗਏ ਤਿਉਂਹਾਰ ਦੀਆਂ ਵੀਡੀਓ ਸੋਸ਼ਲ ਮੀਡੀਆ ਉਤੇ ਵਾਇਰਲ ਹੋ ਰਹੀਆਂ ਹਨ। ਇਸ ਵੀਡੀਓ ਨੂੰ ਦੇਖ ਲੋਕ ਹੈਰਾਨ ਹੋ ਰਹੇ ਹਨ। ਲੋਕ ਲੱਗੀ ਅੱਗ ਦੇ ਗੋਲੇ ਅਸਮਾਨ ਵਿਚ ਲਹਿਰਾਉਂਦੇ ਦਿਖਾਈ ਦੇ ਰਹੇ ਹਨ। ਲੋਕਾਂ ਨੇ ਚੇਹਰੇ ਉਤੇ ਮਾਸਕ ਲਗਾਏ ਹੋਏ ਹਨ ਅਤੇ ਖੋਪੜੀਆਂ ਵਰਗੇ ਰੰਗ ਕੀਤੇ ਹੋਏ ਹਨ। ਵੱਡੀ ਗਿਣਤੀ ਲੋਕ ਇਸ ਖਤਰਨਾਕ ਖੇਡ ਵਿੱਚ ਹਿੱਸਾ ਲੈ ਰਹੇ ਹਨ। ਪੈਟਰੋਲ ਨਾਲ ਗਿੱਲੇ ਕੀਤੇ ਹੋਏ ਕੱਪੜੇ ਦੇ ਗੋਲੇ ਜਦੋਂ ਹਨ੍ਹੇਰੀ ਰਾਤ ਨੂੰ ਰੋਸ਼ਨ ਕਰ ਰਹੇ ਸਨ, ਉਦੋਂ ਸੜਾਂ ਉਤੇਖੜ੍ਹੇ ਹਜ਼ਾਰਾਂ ਦਰਸ਼ਕ ਚੀਕਦੇ ਹੋਏ ਖੇਡ ਦਾ ਆਨੰਦ ਲੈ ਰਹੇ ਸਨ।

ਕਿਉਂ ਮਨਾਉਂਦੇ ਨੇ ਤਿਉਂਹਾਰ?

ਰਿਪੋਰਟਾਂ ਮੁਤਾਬਕ ਕਰੀਬ 100 ਸਾਲ ਪੁਰਾਣੀ ਇਹ ਪਰੰਪਰਾ ਚਲੀ ਆ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ 1658 ਵਿੱਚ ਹੋਏ ਇਕ ਜਵਾਲਾਮੁਖੀ ਵਿਸਫੋਟ ਦੀ ਯਾਦ ਵਿੱਚ ਇਹ ਫੈਸਟੀਵਲ ਮਨਾਇਆ ਜਾਂਦਾ ਹੈ। ਉਸ ਸਮੇਂ ਨਜਾਪਾ ਦੇ ਲੋਕਾਂ ਨੂੰ ਆਪਣੇ ਘਰ ਛੱਡਣ ਲਈ ਮਜ਼ਬੂਰ ਹੋਇਆ ਪਿਆ ਸੀ। ਲੋਕ ਹੁਣ ਦੋ ਗਰੁੱਪਾਂ ਵਿਚ ਵੰਡ ਕੇ ਮਚਦੇ ਹੋਏ ਅੱਗ ਦੇ ਗੋਲੇ ਇਕ-ਦੂਜੇ ਉਤੇ ਸੁੱਟਦੇ ਹਨ।