ਬੁਲਗਾਰੀਆ, 21 ਸਤੰਬਰ, ਦੇਸ਼ ਕਲਿਕ ਬਿਊਰੋ :
ਲੇਬਨਾਨ ਵਿੱਚ ਹਿਜ਼ਬੁੱਲਾ ਦੇ ਮੈਂਬਰਾਂ ਨੂੰ ਨਿਸ਼ਾਨਾ ਬਣਾ ਕੇ ਹਾਲ ਹੀ ਵਿੱਚ ਹੋਏ ਪੇਜਰ ਧਮਾਕਿਆਂ ਕਾਰਨ ਪੂਰੇ ਮੱਧ ਪੂਰਬ ਵਿੱਚ ਤਣਾਅ ਵਧ ਗਿਆ ਹੈ। ਹੁਣ ਇਸ ਸਬੰਧੀ ਇੱਕ ਨਵਾਂ ਖੁਲਾਸਾ ਹੋਇਆ ਹੈ। ਦਰਅਸਲ, ਇਨ੍ਹਾਂ ਧਮਾਕਿਆਂ ਦੀ ਜਾਂਚ ਵਿੱਚ ਇੱਕ ਭਾਰਤੀ ਦਾ ਨਾਮ ਸਾਹਮਣੇ ਆਇਆ ਹੈ। ਭਾਰਤੀ ਦੀ ਪਛਾਣ ਰਿਨਸਨ ਜੋਸ ਵਜੋਂ ਹੋਈ ਹੈ, ਜੋ ਕੇਰਲ ਦੇ ਵਾਇਨਾਡ ਦਾ ਰਹਿਣ ਵਾਲਾ ਹੈ। ਰਿਨਸਨ ਜੋਸ ਕੋਲ ਹੁਣ ਨਾਰਵੇ ਦੀ ਨਾਗਰਿਕਤਾ ਹੈ।
ਇਹ ਵੀ ਪੜ੍ਹੋ : ਮਾਣਭੱਤਾ ਨਾ ਮਿਲਣ ਵਿਰੁੱਧ ਡਾਇਰੈਕਟਰ ਦਫ਼ਤਰ ਅੱਗੇ ਧਰਨਾ ਦੇਣ ਦਾ ਐਲਾਨ
ਜਿਕਰਯੋਗ ਹੈ ਕਿ ਲੇਬਨਾਨ ਵਿੱਚ ਪੇਜਰ ਧਮਾਕਿਆਂ ਵਿੱਚ 12 ਲੋਕ ਮਾਰੇ ਗਏ ਸਨ ਅਤੇ ਹਜ਼ਾਰਾਂ ਜ਼ਖਮੀ ਹੋ ਗਏ ਸਨ। ਪੇਜਰ ਧਮਾਕੇ ਦੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਹਿਜ਼ਬੁੱਲਾ ਨੂੰ ਪੇਜਰ ਸਪਲਾਈ ਕਰਨ ਵਿਚ ਬੁਲਗਾਰੀਆ ਦੀ ਇਕ ਕੰਪਨੀ ਵੀ ਸ਼ਾਮਲ ਹੈ। ਇਹ ਬਲਗੇਰੀਅਨ ਕੰਪਨੀ ਭਾਰਤੀ ਮੂਲ ਦੇ ਰਿਨਸਨ ਜੋਸ ਦੀ ਮਲਕੀਅਤ ਹੈ। ਸ਼ੁਰੂਆਤੀ ਜਾਂਚ 'ਚ ਸਾਹਮਣੇ ਆਇਆ ਹੈ ਕਿ ਇਜ਼ਰਾਈਲ ਦੀ ਖੁਫੀਆ ਏਜੰਸੀ ਮੋਸਾਦ ਨੇ ਕਥਿਤ ਤੌਰ 'ਤੇ ਪੇਜਰਾਂ 'ਚ ਤਿੰਨ ਗ੍ਰਾਮ ਵਿਸਫੋਟਕ ਲਗਾਏ ਹੋਏ ਸਨ।